From Rangjung Yeshe Wiki - Dharma Dictionary
Jump to navigation
Jump to search
| སམྦུ་ཊ
|
| Tibetan Definition
|
(ལེགས་སྦྱར) 1 རྒྱུད་མང་པོའི་བཤད་རྒྱུད་ཐུན་མོང་བ་“སཾ་བུ་ཊ”འམ་དཔལ་ཡང་དག་པར་སྦྱོར་བའི་རྒྱུད་ཆེན་པོ་བརྟག་པ་བཅུ་པ། བརྟག་པ་རེ་རེ་ལ་རབ་བྱེད་བཞི་བཞི་ཡོད་པ། དེའི་རྒྱུད་ཕྱི་མ་དང་བཅས་པ། འདིའི་རྩ་རྒྱུད་རྒྱས་པ་སུམ་ཅུ་རྩ་དྲུག་ཡོད་པར་ཨིནྡྲ་བྷཱུ་ཏིའི་འགྲེལ་པ་ལས་འབྱུང་ཞིང༌། རྩ་རྒྱུད་བསྡུས་པ་འདི་ལ་ཤློ་ཀ་ཉིས་སྟོང་བརྒྱ་བདུན་ཅུ་དོན་ལྔ། རྒྱུད་ཕྱི་མ་ལ་དྲུག་བརྒྱ་ཉི་ཤུ་རྩ་བརྒྱད་དང་རྐང་པ་གཉིས་ཡོད་པར་བཤད་དོ། །འདི་ལ་བླ་མ་ཁ་ཅིག་ཀྱེ་རྡོར་གྱི་བཤད་རྒྱུད་དུ་བཞེད་ཀྱང༌། བུ་སྟོན་གྱིས་རྒྱུད་དུ་མའི་བཤད་རྒྱུད་ཡིན་པ་དང༌། ཁྱད་པར་བདེ་མཆོག་གི་བཤད་རྒྱུད་ཡིན་པར་སྒྲུབ་བྱེད་དང་བཅས་ནས་གསུངས་པ་ཉིད་དོན་ལ་གནས་ཤིང་ལེགས་པར་སེམས་སོ། །ལྕང་སྐྱ་ངག་དབང་བློ་བཟང་ཆོས་ལྡན་གྱིས། བདེ་དགྱེས་གཉིས་ཀའི་ཐུན་མོང་བའི་བཤད་རྒྱུད་ཡིན་པར་གསུངས་སོ། །སུམྦུ་ཊ་ཞེས་བྱ་བ་བོད་སྐད་དུ་བསྒྱུར་ན། ཡང་དག་པར་སྦྱོར་བ་ཞེས་བྱའོ། །རྒྱ་གར་སྐད་དུ། སཾ་བུ་ཊ་ནཱ་མ་མཧཱ་ཡ་ན་ཏནྟྲ། བོད་སྐད་དུ། ཡང་དག་པར་སྦྱོར་བ་ཞེས་བྱ་བའི་རྒྱུད་ཆེན་པོ། རྒྱུད་༼ ག་པ ༽༧༣ བ༣ན་བཞུགས་སོ། །རྡོར་དྲིལ་དང་བགྲང་ཕྲེང་གི་སྐོར། རྒྱུད་དེ་གའི་ཤོག་གྲངས་༡༤༤ན༢ན་གསལ་ལོ། །2 ཁ་སྦྱོར་རམ་གའུ། འཕགས་བོད་སྐད་གཉིས་ཤན་སྦྱར་ན་གསལ།
|