From Rangjung Yeshe Wiki - Dharma Dictionary
Jump to navigation
Jump to search
| སེངྒེ་བཟང་པོ
|
| Tibetan Definition
|
<ཧ་རི་བྷཱ་ཏྲ> སློབ་དཔོན་སེང་གེ་བཟང་པོ་ནི། རྒྱལ་རིགས་ལས་རབ་ཏུ་བྱུང་བ། ཕྱི་ནང་གི་གྲུབ་མཐའ་ཐམས་ཅད་ལ་མཁས་པ། ཁྱད་པར་ཡུམ་ཤེར་ཕྱིན་གྱི་དོན་ལ་རིང་དུ་གོམས་པ་ཞིག་སྟེ། དེས་རང་གི་མཁན་པོ་རྣམ་སྣང་བཟང་པོ་ལ་བྱམས་པའི་སྒྲུབ་ཐམས་ཞུས་ནས་སྒྲུབ་པས། རྨི་ལམ་དུ་དགེ་སློང་གུར་གུམ་གྱི་མདོག་ཅན་སྤྱོད་ལམ་མཛེས་པ་ཞིག་རྨིས་ཏེ། ཤར་ཕྱོགས་ཁར་་པཱ་ཎིར་སོང་ཞིག་ཅེས་ལུང་བསྟན་ཏོ། །གཉིད་སད་དེ་དེར་སོང་ནས་ཞག་གསུམ་དུ་གནས་བྱས་ཏེ། རྨི་ལམ་བརྟགས་པས་ཐོ་རངས་རྨི་ལམ་ན། ཨོ་ཏནྟ་པཱུ་རི་ཝི་ཧཱ་རིའི་གནྡྷོ་ལའི་སྟེང་གི་ནམ་མཁའ་ལ། སྤྲིན་ཕུང་འཐུག་པོ་ཞིག་གསེབ་ནས་ལྷའི་ལུས་སྟོད་སྤྲིན་གྱི་གསེབ་ནས་ཕྱུང་ནས། མཆོད་རྫས་སྣ་ཚོགས་ཀྱིས་མཆོད་པ་མཐོང་སྟེ། ཅི་བྱེད་དྲིས་པས་རྗེ་བཙུན་བྱམས་པ་བརྒྱད་སྟོང་པ་གསུང་བ་ལ་མཆོད་པ་བྱེད་པ་ཡིན་ཟེར་ཏེ། རིང་དུ་བལྟས་པས་རྗེ་བཙུན་ཞལ་རས་གསེར་མདོག་ཅན་སྤྱི་གཙུག་མཆོད་རྟེན་གྱིས་སྤྲས་པ། ཕྱག་གཡས་ཆོས་འཆད་ཀྱི་ཕྱག་རྒྱ་མཛད་པ་ཞིག་མཐོང་ནས་ཕྱག་དང་མཆོད་པ་བྱས་ཏེ། ཉིད་ཀྱི་བསྟན་བཅོས་ལ་དེང་སང་འགྲེལ་པ་མང་དུ་མཆིས་ན་གང་གི་རྗེས་སུ་འཇུག་པར་བགྱི་ཞེས་ཞུས་པས། ཐམས་ཅད་ཀྱི་གཞུང་ལེགས་པར་རྟོགས་ལ་འཐད་པ་བསྡུས་ཏེ། ཁྱོད་ཀྱི་ཕྱོགས་གཅིག་ཏུ་རྩོམས་ཤིག་ཅེས་གསུང་གི་གནང་བ་ཐོབ་བོ། །བསྟན་བཅོས་ཀྱང༌། ཉི་ཁྲི་ལེ་བརྒྱད་མ། བརྒྱད་སྟོང་འགྲེལ་ཆེན། འགྲེལ་པ་དོན་གསལ། སྡུད་པའི་དཀའ་འགྲེལ་རྟོགས་སླ། ཤེར་ཕྱིན་སྒོམ་པ་ལ་སོགས་པ་མཛད་དོ། །སྒྲ་བཤད་ནི། མ་སེང་གེས་བསད་ནའང་བུ་མ་ཤི་བར་བཙས་པས་སེང་གེ་བཟང་པོ་ཞེས་བཏགས་སོ། །
|