From Rangjung Yeshe Wiki - Dharma Dictionary
Jump to navigation
Jump to search
| སོ་ཤིང་དོར་བ
|
| Tibetan Definition
|
1 (སྔགས) དབང་གི་སྐབས་དངོས་གྲུབ་གང་འགྲུབ་བརྟག་པའི་ཕྱིར་དཀྱིལ་འཁོར་དུ་སོ་ཤིང་དོར་བའོ། །རྗེའི་དབང་དོན་དེ་ཉིད་རབ་གསལ་ལས། འོ་མ་ཅན་གྱི་ཤིང་ཧ་ཅང་སྦོམ་པ་དང་ཕྲ་བ་མིན་པ། དྲང་ཞིང་ཚིགས་མེད་པ་མ་གས་པ་རྨ་མེད་པ། མགོ་མཇུག་མཉམ་པ། དྲིའི་ཆུས་བཀྲུས་ཤིང་བདུག་པས་བདུགས་པ་སོར་བཅུ་གཉིས་པ་རྩེ་མོར་མེ་ཏོག་བཅིངས་པ། སློབ་དཔོན་བྱང་དུ་ཕྱོགས་ཏེ་ཡི་གེ་གསུམ་བཟླས་ནས་སློབ་མ་ལ་བྱིན་ལ། ས་ལ་བགེགས་མཐར་བྱེད་ཀྱི་སྔགས་ཀྱིས་བསྔགས་ནས། དྲི་བཟང་དང་བ་བྱུང་གིས་བའི་ཀོ་བའི་སྲབ་འཐུག་ཙམ་དུ་ཁྲུ་བཞི་པ་གྲུ་བཞི་རུ་བྱུགས་ནས། སློབ་མ་ཁ་ཤར་རམ་བྱང་དུ་ཕྱོགས་པས། ༀ་བཛྲ་ཧཱ་ས་ཧཱཿ ཞེས་པས་རྩེ་མོ་ནས་འཆོས་ཏེ། ༀ་པྲ་ཏི་བཛྲི་ས་མ་ཡ་ཨི་ཤྭ་རི་ཨཱཿཧཱུྂ་སྭཱ་ཧཱ། ཞེས་བཟླས་ནས་མིག་སྟེང་དུ་བལྟ་ཞིང་ལྟོས་པ་མེད་པར་མཎྜལ་གྱི་སྟེང་དུ་དོར་རོ། །རྩེ་མོ་སྟེང་དུ་བལྟས་ན་རིག་འཛིན། བླ་མ་ལ་ཕྱོགས་ན་མཆོག །ཐུར་དུ་བལྟས་ན་ས་འོག །ཤར་བྱང་ནུབ་ལྷོར་བལྟས་ན་ཞི་རྒྱས་དབང་དྲག་འགྲུབ་ལ། ཕྱི་རོལ་ཏུ་ལྷུང་ན་དངོས་གྲུབ་མེད་དོ། །ཞེས་གསུངས།
|