From Rangjung Yeshe Wiki - Dharma Dictionary
Jump to navigation
Jump to search
| སོར་བསམ་གཉིས
|
| Tibetan Definition
|
སོར་སྡུད་དང་བསམ་གཏན་ཏེ་ལུས་དབེན་གྱི་དབྱེ་བའོ། །སོར་སྡུད་ནི་རྗེས་ཐོབ་ཏུ་འདོད་ཡོན་ལྔ་ལ་ལོངས་སྤྱོད་པ་ན་བདེ་སྟོང་གིས་རྒྱས་བཏབ་ནས་ལོངས་སྤྱོད་པའི་ལུས་དབེན་དང༌། བསམ་གཏན་ནི་འདོད་ཡོན་རྣམས་བདེ་སྟོང་གིས་རྒྱས་བཏབ་ནས་སྒོམ་པ་ཙམ་དུ་མ་ཟད་ཀྱི་དེ་དག་ལྷར་བསྒོམས་ནས་ལོངས་སྤྱོད་པའི་ལུས་དབེན་ནོ། །རྗེའི་རིམ་ལྔ་གསལ་སྒྲོན་ལ་གཞི་བྱས། མདོར་ན་དེ་གཉིས་ཀའང་འདོད་ཡོན་ལ་ལོངས་སྤྱོད་པ་ལམ་དུ་བྱེད་པ་འདྲ་ཡང༌། འདོད་ཡོན་ལྷར་སྒོམ་པ་དང་མི་སྒོམ་པའི་ཁྱད་པར་རོ། །གཞན་ཡང་རྗེའི་རིམ་ལྔ་གསལ་སྒྲོན་ལས། དང་པོར་སོར་སྡུད་ཀྱི་སྐབས་སུ་ཡུལ་དབང་སོགས་ཀྱི་ཆོས་རྣམས་བདེ་སྟོང་གི་རྣམ་འགྱུར་དུ་ལྟ་བ་ལ་བསླབས། དེ་བརྟན་པ་ན་བདེ་སྟོང་གི་རྣམ་འགྱུར་ལྷར་འཆར་བའི་བསམ་གཏན་ལ་བསླབ་བོ། །ཞེས་གསུངས་སོ། །
|