From Rangjung Yeshe Wiki - Dharma Dictionary
Jump to navigation
Jump to search
| སྐབས་དབྱེ
|
| Tibetan Definition
|
(འདུལ་བ) 1 གནང་བ་སྦྱིན་པ། གོ་སྐབས་སྦྱིན་པ། གོ་སྐབས་དབྱེ་བ། གོ་སྐབས་སྤྲོད་པ། དགོངས་པ་ཁྲོལ་བ། མདོ་རྩ་བ་ལས། དང་པོའི་མཁན་པོ་ཉིད་ཀྱིས་བར་ཆད་དྲིས་ནས་ཡོངས་སུ་དག་པ་ལ་སྐབས་དབྱེའོ། །ཞེས་དང་། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་ཀྱང་། དེ་ཕྱིར་མི་དགེ་ཤིན་ཏུ་ཕྲ་མོ་ལའང་། །བག་དང་ལྡན་པས་སྐབས་དབྱེ་མི་བྱ་སྟེ། །ནམ་མཁའི་ཁམས་ཀུན་འགེངས་འདྲའི་ནྱ་གྲོ་དྷ། །ས་བོན་ཏིལ་འབྲུ་ཙམ་གྱིས་བསྐྲུན་པ་ལགས། །ཞེས་གསུངས་པ་ལྟར་རོ། ། 2 ཁས་བླངས་པའི་དོན་ལ་འཇུག ལུང་ཕྲན་ཚེགས་ཀྱི་འགྲེལ་པ་ལས། སྐབས་ཕྱེའི་ཞེས་བྱ་བའི་བཀླག་པར་བགྱིའོ་ཞེས་བྱ་བ་དེ་ཁས་བླངས་པ་ཡིན་ནོ་ཞེས་གསུངས།
|