From Rangjung Yeshe Wiki - Dharma Dictionary
Jump to navigation
Jump to search
| སྐྱེས་བུ་གསུམ
|
| Tibetan Definition
|
སྐྱེས་བུ་ཆུང་འབྲིང་ཆེ་གསུམ་ལ་ཟེར། སྒྲ་བཤད་ནི། འདི་གསུམ་ལ་གང་ཟག་གསུམ་མི་ཟེར་བར་སྐྱེས་བུ་གསུམ་ཟེར་བ་ནི། སྐྱེས་བུའི་སྐད་དོད་པུ་རུ་ཥ་ཞེས་པ་ནུས་ལྡན་ལ་འཇུག་པས་འདི་གསུམ་བློའི་ནུས་པ་ཆེ་ཆུང་གི་སྒོ་ནས་བཞག་པ་གོ་བའི་ཆེད་དུ་ཡིན་པར། ཡོངས་འཛིན་ཡེ་ཤེས་རྒྱལ་མཚན་གསུང་ངོ་། །ཞེས་རྗེ་གུང་ཐང་པའི་སྐབས་དང་པོའི་མཆན་འགྲེལ་ན་གསལ། སྐྱེས་བུ་གསུམ་ལ་འཇོག་ཚུལ་མི་འདྲ་བ་གཞན་ཡང་ཡོད་པ། རྗེ་གུང་ཐང་པའི་སྐབས་དང་པོའི་མཆན་འགྲེལ་ལས་ཤེས་པར་བྱའོ། །སྐྱེས་བུ་གསུམ་གྱི་མཚན་ཉིད་ཇོ་བོའི་ལམ་སྒྲོན་ཙམ་དུ་མ་ཟད། དབྱིག་གཉེན་གྱི་མཛོད་འགྲེལ་ལས་ཀྱང་གསུངས་ཞེས་ལམ་རིམ་ཆེན་མོར་གསུངས་ཏེ། དེ་ཉིད་ལས། ལམ་སྒྲོན་བཞིན་དུ་མཛོད་འགྲེལ་ལས། སློབ་དཔོན་དབྱིག་གཉེན་གྱིས་ཀྱང་སྐྱེས་བུ་གསུམ་གྱི་མཚན་ཉིད་གསུངས་སོ། །ཞེས་གསུངས་སོ། །
|