From Rangjung Yeshe Wiki - Dharma Dictionary
Jump to navigation
Jump to search
| སྐྱེས་བུ་ཆེན་པོ
|
| Tibetan Definition
|
སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་དོན་དུ་གཉེར་ཞིང་། དེ་འཐོབ་པའི་ཐབས་ཀྱི་གཙོ་བོ་རྒྱུ་འབྲས་མན་ངག་བདུན་སོགས་ཐབས་ཀྱི་ཆ་དང་། ཡང་དག་པའི་ལྟ་བ་ལ་ཚུལ་བཞིན་དུ་སློབ་པའི་གང་ཟག་དེ་ལ། སྐྱེས་བུ་ཆེན་པོའམ་སྐྱེས་བུ་མཆོག་ཅེས་བྱའོ། །ཇོ་བོའི་བྱང་ཆུབ་ལམ་སྒྲོན་ལས། རང་རྒྱུད་གཏོགས་པའི་སྡུག་བསྔལ་གྱིས། །གང་ཞིག་གཞན་གྱི་སྡུག་བསྔལ་ཀུན། །ཡང་དག་ཟད་པར་ཀུན་ནས་འདོད། །སྐྱེས་བུ་དེ་ནི་མཆོག་ཡིན་ནོ། །ཞེས་གསུངས་པ་ལྟར་རོ། །
|