From Rangjung Yeshe Wiki - Dharma Dictionary
Jump to navigation
Jump to search
| སྙིང་གའི་མི་ཤིགས་པའི་ཐིག་ལེ
|
| Tibetan Definition
|
(གསང་སྔགས) འདི་ལ་མི་ཤིགས་པའི་ཐིག་ལེ་ཡང་ཟེར། སྙིང་གའི་མི་ཤིགས་པའི་ཐིག་ལེ་ཞེས་པ་དོན་མང་པོ་འཇུག་སྟེ། དང་པོ་ནི། 1 སྙིང་གའི་ཐིག་ལེ་དཀར་དམར་གའུ་ཁ་སྦྱོར་གྱི་ཚུལ་དུ་ཡོད་པ་དེའི་མིང༌། 2 ཡང་ཐིག་ལེ་དཀར་དམར་གའུ་ཁ་སྦྱོར་གྱི་ཚུལ་དུ་ཡོད་པ་དེའི་ནང་གི་རླུང་སེམས་ཕྲ་མོ་ལའང་འཇུག 3 ཡང་སྙིང་གའི་རྩ་དབུ་མའི་ནང་གི་རྣམ་ཤེས་དང་ལྷན་ཅིག་སྐྱེས་པའི་རླུང་ལའང་གོ 4 ཤིན་ཏུ་ཕྲ་བའི་རླུང་སེམས་ལའང་གོ 5 ཤིན་ཏུ་ཕྲ་བའི་སྙིང་གའི་རླུང་འོད་ཟེར་ལྔ་པ་ལའང་གོ 6 ཡང་ཐིག་ལེ་ཁ་དོག་ལྔ་པ་ཙ་ན་ཀའི་འབྲུ་ཙམ་དུ་རྣམ་པར་གནས་པའོ། །ཞེས་རྗེའི་སྔགས་རིམ་ལྟར་རོ། །རྗེའི་རིམ་ལྔ་གསལ་སྒྲོན་ལས་ཀྱང༌། སྤྱིར་སྙིང་གའི་མི་ཤིགས་པ་ལ། བྱང་སེམས་དཀར་དམར་དང༌། གཞིའི་འོད་གསལ། སྲོག་འཛིན་ཕྲ་བ་སོགས་མང་དུ་ཡོད་དོ། །ཞེས་གསུངས་པ་ལྟར་རོ། །སྒྲ་བཤད་ནི། གང་གིས་ཀྱང་དེ་མི་ཆོམས་པས་ན་མི་ཤིགས་པ་དང༌། མ་སྤྲོས་པས་ན་ཐིག་ལེའོ། །ཞེས་རྗེའི་སྔགས་རིམ་ཆེན་མོར་གསུངས་པ་ལྟར་རོ། །
|