From Rangjung Yeshe Wiki - Dharma Dictionary
Jump to navigation
Jump to search
| སྟོང་ཐུན
|
| Tibetan Definition
|
(དབུ་མ) མང་པོ་ལས་ཉུང་ངུར་བསྡུས་པའི་དོན་ཡིན། སྒྲ་བཤད་ནི། སྟོང་དང་བརྒྱ་དང་ཁྲི་ཞེས་པ་གྲངས་ངེས་ཅན་ལ་མི་གོ་བར་མང་པོ་ཙམ་གྱི་དོན་ལ་གོ་དགོས་པའི་སྐབས་མང་པོ་ཡོད་པས། སྟོང་ནི་མང་པོའི་དོན་དང་། ཐུན་ཞེས་པ་སྤྱིར་ཆ་ཤས་ལ་འཇུག་པ་དཔེར་ན་མཚན་ཐུན་ཞེས་པ་ལྟ་བུ། ཡང་དུམ་བུར་བཅད་པ་ལ་འཇུག་པ་དཔེར་ན་སྨན་ཐུན་ཞེས་པ་ལྟ་བུ་དང་། ཡང་མང་པོ་ལས་ཉུང་ངུས་བསྡུས་པ་ལ་འཇུག་པ་དཔེར་ན་སྟོང་ཐུན་ཞེས་པ་ལྟ་བུའོ། །ཡང་འདི་སྟོང་པ་ལག་ཏུ་བླང་རྒྱུ་མེད་པ་དང་། ཐུན་ནི་གོ་བ་ཆེ་བ་གཡུ་ཐོག་ཡོན་ཏན་མགོན་པོས་བཤད་དོ། །བསྟན་དར་ལྷ་རམས་པའི་གསུང་ལ་གཞི་བྱས་ཏེ་བཀོད། དབྱངས་ཅན་དགའ་བློའི་དྲིས་ལན་བརྗོད་པ་མཁས་པའི་དགའ་སྟོན་༥བ༦ལས། སྟོང་ཐུན་ཞེས་པའི་སྒྲ་དོན་ནི། གཞུང་གཅིག་མཐར་ཆགས་སུ་བཤད་པ་མ་ཡིན་པར། གཞུང་མང་པོའི་དཀའ་གནས་བླངས་ནས་སྨན་ཐུན་ལྟ་བུར་ཚན་ཚན་དུ་བཏུས་ནས་བཤད་པས་ན་སྟོང་ཐུན་ཟེར་བ་ཡིན་ཞེས། བདག་ཅག་གི་བླ་མ་མཁས་གྲུབ་ཆེན་པོ་རྗེ་དྷརྨ་བཛྲའི་ཞལ་ནས་དངོས་སུ་གསུང་ངོ་། །དེས་ན་སྟོང་ནི་མང་ཚིག་དང་། ཐུན་ནི་སྨན་ཐུན་གཅིག་གཉིས་ཟེར་བའི་ཐུན་དེ་ཡིན་པས་འཕུལ་ཡིག་མེད་དོ།།ཞེས་གསུངས་སོ། །ཚེ་ཏན་ཞབས་དྲུང་གི་དག་ཡིག་ཐོན་མིའི་དགོངས་རྒྱན་ལས། སྟོང་ཐུན་ནི། གཞུང་ལུགས་ཀྱི་དཀའ་གནད་སྟོང་ཕྲག་དུ་མ་ཐུན་ཐུན་དུ་བསྡུས་པ་སྟེ་སྔོན་དུས་སྤྱི་དོན་ལའང་དེ་ལྟར་གྲགས། ཞེས་གསུངས་སོ། །
|