From Rangjung Yeshe Wiki - Dharma Dictionary
Jump to navigation
Jump to search
| སྡེ་བརྒྱད
|
| Tibetan Definition
|
(གསང་སྔགས) སྡེ་བརྒྱད་ལ་རྒྱུད་སྡེ་བཞི་ནས་འབྱུང་བའི་སྡེ་བརྒྱད་དང་། བོད་རྣམས་ཀྱིས་འདོད་པའི་སྡེ་བརྒྱད་གཉིས་ཏེ། དང་པོ་རྒྱུད་སྡེ་བཞི་ལས་བྱུང་བའི་སྡེ་བརྒྱད་ནི། ལྷ་དང་གཅིག ཀླུ་དང་གཉིས། གནོད་སྦྱིན་དང་གསུམ། དྲི་ཟ་དང་བཞི། ལྷ་མ་ཡིན་དང་ལྔ། ནམ་མཁའ་ལྡིང་དང་དྲུག མི་འམ་ཅི་དང་བདུན། ལྟོ་འཕྱེ་ཆེན་པོ་དང་བརྒྱད་དོ། །གཉིས་པ་བོད་རྣམས་ཀྱིས་འདོད་པའི་སྡེ་བརྒྱད་ནི། དཀར་པོ་ལྷ་ཡི་སྡེ། དམར་པོ་བཙན་གྱི་སྡེ། ནག་པོ་བདུད་ཀྱི་སྡེ། ཁྲ་བོ་གཟའ་ཡི་སྡེ། སྨུག་པོ་དམུ་ཡི་སྡེ། ཤ་ཟ་སྲིན་པོའི་སྡེ། དཀོར་བདག་རྒྱལ་པོའི་སྡེ། ནད་བདག་མ་མོའི་སྡེ་རྣམས་དང་བརྒྱད་དོ། །ཀློང་རྡོལ་བླ་མས་གསུངས་པ་ལྟར་རོ། །
|