From Rangjung Yeshe Wiki - Dharma Dictionary
Jump to navigation
Jump to search
| སྣང་བ་སེམས
|
| Tibetan Definition
|
སེམས་སྟོང་པ། སྟོང་པ་ལྷུན་གྲུབ། ལྷུན་གྲུབ་རང་གྲོལ། (བཀའ་བརྒྱུད) ཕྱག་ཆེན་གྱི་ངོ་སྤྲོད་རྣམ་པ་བཞི། ཕྱག་ཆེན་གྱི་གནད་ཐམས་ཅད་ངོ་སྤྲོད་རྣམ་པ་བཞིའི་ནང་དུ་འདུ་བ་ཡིན། དེ་དག་གི་དོན་ནི། ཡུལ་སྣང་ཐམས་ཅད་ཆུ་དང་རླབས་ལྟར་ཐམས་ཅད་སེམས་ཀྱི་ཆོ་འཕྲུལ་ལས་དོན་དུ་གང་ཡང་མ་གྲུབ་པར་རྟོགས་པ་སྣང་བ་སེམས་སུ་ངོ་འཕྲོད་པ་ཡིན། སེམས་དེའི་ངོ་བོ་འགྲོ་གནས་འབྱུང་གསུམ་ལ་དཔྱད་པས་གང་དུའང་མ་གྲུབ་པ་རྨི་ལམ་གྱི་རྟ་གླང་ལྟར་དོན་ལ་མ་གྲུབ་པར་རྟོགས་པས་སེམས་སྟོང་པར་ངོ་འཕྲོད་པ་ཡིན། སྟོང་བཞིན་གསལ་དྭངས་ཀྱི་ངང་ནས་འགག་མེད་དུ་སྣ་ཚོགས་ལྷུན་གྲུབ་ཏུ་འཆར་བ་ཆུ་ནང་གི་ཟླ་བ་ལྟར་རྟོགས་པས་སྟོང་པ་ལྷུན་གྲུབ་ཏུ་ངོ་འཕྲོད་པ་ཡིན། (སྟོང་པ་ལྷུན་གྲུབ་ཏུ་ངོ་འཕྲོད་ཅེས་པ་འདི། དགེ་ལྡན་པའི་བདེ་སྟོང་སྒྱུ་མ་ལྟ་བུ་དང༌། བདེན་པར་མེད་ཀྱང་བྱ་བྱེད་ཀྱི་རྣམ་གཞག་འཐད་པ། ཀུན་རྫོབ་ཕྲ་མོ་རྟོགས་པ་ཞེས་པ་དང་དོན་འདྲའོ) དེ་ལྟར་ལྷུན་གྱིས་གྲུབ་ཙམ་ནས་གསལ་རིག་སྟོང་པ་ལྷུན་གྲུབ་སྤྲོས་བྲལ་འགྱུར་མེད་བདེ་བ་ཆེན་པོ་ལས་མ་གཡོས་པར། སྦྲུལ་ལ་མདུད་པ་བོར་བ་ལྟར་ཤར་གྲོལ་དུས་མཉམ་པར་ངེས་པས་ལྷུན་གྲུབ་རང་གྲོལ་དུ་ངོ་འཕྲོད་པ་ཡིན། ཞེས་གསུངས་པ་ལྟར་རོ། །
|