From Rangjung Yeshe Wiki - Dharma Dictionary
Jump to navigation
Jump to search
| སྤྲུལ་པ
|
| Tibetan Definition
|
(ཕར་ཕྱིན) 1 (མིང་ཚིག) སངས་རྒྱས་བྱང་སེམས་སོགས་ཀྱི་རྣམ་འཕྲུལ། མཆོག་སྤྲུལ། 2 (འདུལ་བ) (མིང་ཚིག) ཀླུ་ལ་སོགས་པ་མིའི་གཟུགས་སུ་བརྫུས་པ་གང་ཡིན་པ། འདིའི་ལོ་རྒྱུས་དང་བཅས་པ་འདུལ་བ་ལུང་གཞི་༼ ཀ ༽༩༥བ༣ན་གསལ་ཞིང་། གཞན་ཡང་ཁོ་བོས་བྲིས་པའི་འདུལ་བའི་ཚིག་མཛོད་ལ་གཟིགས། 3 (བྱ་ཚིག) བསྒྱུར་བ། འཕྲུལ་དུ་འཇུག་པ། བོད་རྒྱ་ཚིག་མཛོད་ཆེན་མོར། སྤྲུལ་བ་བྱ་ཚིག་ཏུ་བཤད་ལ། མདོ་སྔགས་གཞུང་ཆེན་མོ་མང་པོ་དང༌། ངག་སྒྲོན་རྩ་འགྲེལ་སོགས་སུ་ནི། སྤྲུལ་པ་བྱ་ཚིག་ཏུ་བཤད་པས། སྤྲུལ་བ་དང་སྤྲུལ་པ་གཉིས་ལ་ཞིབ་འཇུག་དང་དོགས་གཅོད་དགོས་པ་འདུག་གོ། 4 (བྱ་ཚིག) སྤྲོ་བ། བསྐྱེད་པ། བཟོས་པ། བཅོས་པ། བསྐྲུན་པ། བདེ་ཆེན་བསྐྱེད་པའི་ལྟེ་བའི་རྩ་འཁོར་ལ་ལྟེ་བ་སྤྲུལ་པའི་འཁོར་ལོ་ཞེས་པ་ལྟ་བུ། སྤྲོ་བ་ལ་འཇུག་པ་ནི། རྗེའི་རྣམ་གཞག་རིམ་པའི་རྣམ་བཤད་ལས། སེམས་ཀྱིས་སྤྲོ་བ་སྟེ་ཡིད་ཀྱིས་སྤྲུལ་པ། ཞེས་གསུངས། 5 (བྱ་ཚིག) སྦྱིན་པ། སྟོབ་པ་སོགས་ལ་འཇུག་པར་ཁུ་ནུ་བླ་མ་བསྟན་འཛིན་རྒྱལ་མཚན་གསུང་ངོ༌། །
|