From Rangjung Yeshe Wiki - Dharma Dictionary
Jump to navigation
Jump to search
| སྦྱིན་སྲེག་འབུལ་རུང་མི་རུང་བརྟག་ཚུལ
|
| Tibetan Definition
|
སྦྱིན་སྲེག་དུས་ཚོད་ནམ་ཡིན་ལ་འབུལ་མི་རུང་བར་མེ་ལྷ་ཡོད་མེད་བརྟག་དགོས་པ་འདི་ལྟར། སྲེག་བླུག་བྱེད་པར་འདོད་པ་ན། །མེ་ལྷ་དྲང་སྲོང་ས་གསུམ་དུ། །གང་བཞུགས་བརྩད་པར་བྱ་དགོས་པ། ། གང་བརྩིས་ཉིན་གྱི་ཉིན་གྲངས་ལ། །དེ་ཡི་རེས་གཟའི་གྲངས་ཀྱང་བསྲེས། །དེ་སྟེང་གཅིག་སྣོན་བཞིར་བགོས་པས། །གསུམ་དང་ཐིག་ཤར་ས་སྟེང་གནས། །སྲེག་བླུག་བྱེད་ན་དངོས་གྲུབ་ཐོབ། །གཉིས་ཤར་ས་འོག་ལ་གནས་པས། །སྦྱིན་སྲེག་སྲེག་བླུག་བྱ་མི་རུང༌། །གཅིག་ཤར་སུམ་ཅུ་རྩ་གསུམ་གནས། །དེ་ཡང་སྲེག་བླུག་མི་རུང་ངོ༌། །ཞེས་སོགས་ཀྱིས་བརྟག་དགོས་པས། གོང་གི་ཚིག་དེ་དག་གི་འགྲེལ་བཤད་མདོ་ཙམ་བརྗོད་པ་ལ། བོད་ཟླ་དྲུག་པའི་ཚེས་༡ ཉིན་སྦྱིན་སྲེག་བྱེད་པར་འདོད་ན། ཚེས་ ༡ ལ་གྲངས་གཅིག་བགྲང༌། དེ་ཉིན་རེས་གཟའ་མིག་དམར་ཡིན་ན། ༡ ཉི་མ། ༢ ཟླ་མ། ༣ མིག་དམར་ཞེས་གསུམ་བགྲང༌། དེའི་སྟེང་ཡང་འཕྲེང་བ་གཅིག་བསྣན་པས། བསྡོམས་པའི་གྲངས་ལྔར་གྱུར་ཅིང༌། དེ་ནས་བཞི་ཕྲི་པས་གཅིག་ལྷག་གོ། གྲངས་གཅིག་ལ་མེ་ལྷ་དྲང་སྲོང་སུམ་ཅུ་རྩ་གསུམ་དུ་བཞུགས་ཡོད་པས། སྦྱིན་སྲེག་འབུལ་མི་རུང་ཞེས་པའི་དོན་དང༌། དེས་གཞན་ལའང་རིགས་འགྲེའོ། །ཡང༌། ཚེས་ ༣ ཆད་པའི་ ༤ ལ་སྦྱིན་སྲེག་བྱེད་འདོད་ན། ཚེས་གཅིག གཉིས། བཞི་ཞེས་གསུམ་བགྲང༌། དེའི་ཉིན་རེས་གཟའ་སྤེན་པ་ཡིན་ན། ༡ ཉི་མ། ༢ ཟླ་བ། ༣ མིག་དམར། ༤ ལྷག་པ། ༥ ཕུར་བུ། ༦ པ་སངས། ༧ སྤེན་པ་ཞེས་བདུན་བགྲང༌། དེའི་སྟེང་གཅིག་བསྣན་པས། ཁྱོན་བསྡོམས་གྲངས་བཅུ་གཅིག་ཏུ་གྱུར། དེ་ལས་བཞི་ཚན་གཉིས་ཕྲི་པས། གསུམ་ལྷག་མ་ལུས་སོ། །དེ་ལ་མེ་ལྷ་དྲང་སྲོང་ས་སྟེང་དུ་གནས་པས་སྦྱིན་སྲེག་བྱ་རུང་ཞིང༌། བྱས་ན་ཕན་ཡོན་བསམ་གྱིས་མི་ཁྱབ་པ་འཐོབ་བོ། །གསུམ་དང་ཐིག་ཤར་ས་སྟེང་གནས། །ཞེས་པའི་ཐིག་ནི་ཐིག་ལེ་སྟེ། སྟོང་པ་བབས་ནའང་གོང་དང་འདྲ་བར་སྦྱིན་སྲེག་འབུལ་རུང་ཞེས་པའི་དོན་ནོ། །ཚེས་ ༤ ལྷག་པ་ལྟ་བུ་ལའང༌། ཚེས་གཅིག་༡ གཉིས། ༢ གསུམ། ༣ བཞི། ༤ བཞི། ༥ ཞེས་གྲངས་ལྔ་འདྲེན་དགོས།
|