From Rangjung Yeshe Wiki - Dharma Dictionary
Jump to navigation
Jump to search
| སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན་ཞེས་སོགས
|
| Tibetan Definition
|
སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །ཞེས་པའི་ཚིགས་བཅད་གཅིག་པོ་འདི། སྒྲ་གཅན་ཟིན་གྱིས་ཡུམ་ལ་བསྟོད་པ་ལས་གསུངས་པར། མཉམ་མེད་དྭགས་པོ་ལྷ་རྗེའི་དྭགས་པོ་ཐར་རྒྱན་དུ་གསུངས། ཡང་། ཀློང་རྡོལ་བླ་མའི་གསུང་འབུམ་གླེགས་བམ་གཉིས་པ་༦༠༨ལས། སྨྲ་བསམ་བརྗོད་མེད་ཅེས་པ་སློབ་དཔོན་ཞི་འཚོའི་གསུང་ཡིན་ཞེས་ཁ་ཅིག་ཟེར། ཕལ་ཆེར་གྱིས་སྲས་སྒྲ་གཅན་འཛིན་གྱིས་རང་གི་མ་གྲགས་འཛིན་ལ་བསྟོད་པ་ཡིན་ཟེར། ཞེས་གསུངས་སོ། །བསྟན་དར་ལྷ་རམས་པའི་ཤེར་སྙིང་གི་འགྲེལ་པ་༧ན་ན་ཡང་དེ་ལྟར་གསུངས་སོ། །
|