From Rangjung Yeshe Wiki - Dharma Dictionary
Jump to navigation
Jump to search
| གར་ལོག
|
| Tibetan Definition
|
ཤིན་ཅང་གི་ས་ཁུལ་ཞིག་གི་མིང་ཡིན་པར་སེམས། གར་ལོག་ནི་Qarlug or Karlug ཞྭ་སྒབ་པས་ཡར་ཀན་Yarkhand གྱི་ཕྱོགས་ལ་ངོས་འཛིན་བྱས་འདུག་ཅིང་། ཞྭ་སྒབ་པའི་རྒྱལ་རབས་དེབ་དང་པོ་༢༤༣ལས། གར་ལོག་གི་ཡུལ་གང་དུ་ཡོད་རྩད་དཔྱོད་བྱ་ཕྱིར་ཧིལ་ཕུག་གྱི་དབྱིན་དེབ་ “Die Qarlug inder Tibetischen Literatur” , Oriens, p, 3 (London, 19 50) pp.190- 208 ཞེས་པའི་ནང་ལ་ཡར་ཀན་གྱི་ཕྱོགས་སུ་ངོས་འཛིན་བྱས་འདུག་ཅིང་། ང་རང་གིས་ཀྱང་དེ་ལྟར་ཡིན་པར་སེམས་སོ། །ཞེས་གསལ། མཁས་དབང་དུང་དཀར་བློ་བཟང་འཕྲིན་ལས་རིན་པོ་ཆེའི་ཚིག་མཛོད་ནང་གར་ལོག་གི་སྐོར་ཅུང་ཟད་རྒྱས་ཙམ་སྣང་བ་དེར་བལྟ་བར་བྱའོ། །བོད་རྒྱ་ཚིག་མཛོད་ཆེན་མོར། གར་ལོག་ནི། སྔར་ཁ་ཆེ་ཡུལ་གྱི་མི་རིགས་ཏུ་རུ་ཀའི་ནང་གསེས་ཡན་ལག་ཅིག་ཡིན་ཞིང་། དུས་རབས་བཅུ་གཅིག་པར་དེའི་རྒྱལ་པོ་ཞིག་གིས་ལྷ་བླ་མ་ཡེ་ཤེས་འོད་བཀྲོངས། ཞེས་ཀྱང་གསུངས་འདུག་པས་ད་དུང་ཞིབ་ཏུ་དཔྱད་པར་འཚལ་ལོ། །
|