From Rangjung Yeshe Wiki - Dharma Dictionary
Jump to navigation
Jump to search
| གསེར་སྐྱེམས
|
| Tibetan Definition
|
3 ཞལ་སྐྱེམས་པའམ་སྐོམ་པའི་དུས་སུ་འཐུང་རྒྱུའི་བཏུང་བའི་རིགས་ལ་གསེར་སྐྱེམས་ཟེར། གསེར་ཞེས་པ་ནི་གསེར་ལྟར་རིན་ཐང་ཆེ་བའམ་རྩ་བ་ཆེ་བའི་དོན་ཏེ་ཞེ་སའི་ཚིག་ཅིག་གོ། དཔེར་ན་རྣམ་མཆོག་ལ་གསེར་སྙན་ཞེས་པ་དང་། གདོང་ལ་གསེར་ཞལ་ཞེས་པ་ལྟ་བུ་རྣམས་སོ། །ཀློང་རྡོལ་བླ་མས་ཀྱང་དེ་དང་འདྲ་བར་བཤད་དེ། རྒྱལ་པོ་ཞལ་སྐོམ་པའི་སྐབས་སུ་བཏུང་བ་ཆ་ལྟ་བུ་བཞེས་རྒྱུ་ལ་གསེར་སྐྱེམས་ཟེར་ཞིང་ཞེ་ས་བྱས་པ་ཡིན། ད་ལྟ་ཆང་གི་ནང་དུ་འབྲུ་དང་གསེར་བླུག་སྟེ་ཕུལ་བ་གསེར་སྐྱེམས་སུ་བྱས་པ་བརྡ་མ་གོ་བའི་བབས་ཅོལ་ཡིན་ནོ། །ཞེས་གསུངས་ཀྱང་། རྒྱ་གར་དུ་བཟའ་བའི་རིགས་ལ་གསེར་ཤོག་དང་དངུལ་ཤོག་བླུག་པའི་ལུགས་སྲོལ་ཡོད་ཅིང་། དེང་སང་ཡང་རྒྱ་གར་གྱི་མངར་ཆའི་རིགས་ལ་དངུལ་ཤོག་སྦྱར་བ་མཐོང་རྒྱུ་ཡོད་ཅིང་། གསེར་ཤོག་དང་དངུལ་ཤོག་བླུག་པའི་རྒྱུ་མཚན་ཡང་ཟས་དུག་སེལ་བའི་ཆེད་ཡིན་ལ། དེའི་སྲོལ་བོད་དུ་བྱུང་བར་ཡང་སྲིད་དོ། །ཆོས་འབྱུང་མཁས་པའི་དགའ་སྟོན་༡༦༨ལས་ཀྱང་། གསེར་སྐྱེམས་དང་གཡུ་སྔོན་སོགས་ཀྱིས་མཆོད་དོ། །གསེར་སྐྱེམས་ཞེས་བཏུང་བར་གསེར་བླུག་པ་དང་། གཡུ་སྔོན་སྒོག་པ་ཡིན་ཟེར་ཡང་མ་དག་པ་སྟེ་བཟའ་བའི་སྟེང་དུ་གཡུ་བཟང་པོ་བཞག་པར་སྣང་ངོ་། །ཞེས་གསུངས་སོ། །
|