From Rangjung Yeshe Wiki - Dharma Dictionary
Jump to navigation
Jump to search
| གྲུབ་ཐོབ
|
| Tibetan Definition
|
མཆོག་དང་ཐུན་མོང་གི་དངོས་གྲུབ་ཅི་རིགས་ཐོབ་པའི་གང་ཟག་ལ་གྲུབ་ཐོབ་ཟེར། ས་པཎ་གྱི་སྡོམ་གསུམ་རབ་དབྱེ་ལས་ནི། འདི་ལ་མ་མཐའ་ཡང་མཐོང་ལམ་གྱི་རྟོགས་པ་ཐོབ་པ་ཞིག་དགོས་པར་ཡང་བཤད་དེ། དེ་ཉིད་ལས། གྲུབ་ཐོབ་ཆུང་ངུ་མཐོང་ལམ་ཡིན། །གྲུབ་ཐོབ་འབྲིང་པོ་ས་བརྒྱད་པ། གྲུབ་ཐོབ་ཆེན་པོ་སངས་རྒྱས་ས། །འཕགས་པ་མིན་ལ་གྲུབ་ཐོབ་མེད། །མདོ་སྡེ་རྒྱན་ལས་འདི་སྐད་གསུངས། །ས་རྣམས་ཐམས་ཅད་མ་གྲུབ་དང་། །གྲུབ་པ་དག་ཏུ་ཤེས་པར་བྱ། །གྲུབ་པ་དག་ཀྱང་མ་གྲུབ་དང་། །གྲུབ་པ་དག་ཏུ་ཡང་དག་འདོད། །ཅེས་གསུངས་དགོངས་པ་དེ་ཉིད་ཡིན། །ཞེས་གསུངས་སོ། །ས་པཎ་གྱི་གསུང་འདི་ལ་དཔྱད་པར་བྱའོ། །
|