From Rangjung Yeshe Wiki - Dharma Dictionary
Jump to navigation
Jump to search
| གླ་བ
|
| Tibetan Definition
|
ཕྱི་རྒྱལ་བས་འདི་ལ་Musk deer ཟེར། འདིའི་ལྗིད་ཚད་ལ་ཀི་ལོའམ་སྤྱིའི་རྒྱ་༩ནས་༡༣བར་ཙམ་ཡོད། རྒྱབ་ཀྱི་སུག་ལག་རྣམས་རིང་ལ་ནུས་ཤུགས་ཆེ། མདུན་ཕྱོགས་རྣམས་ཐུང་ལ་ཤེད་ཆུང་། ཕོ་མོ་གཉིས་ཀར་རྭ་ཅོ་མེད། གླ་མོ་ཤེ་ལངས་པའི་དུས་སུ་གླ་ཕོས་གླ་ཁུག་ནས་གླ་རྩིའི་དྲི་བྱིན་ཏེ་གླ་མོ་རྣམས་འབྲིད་ཅིང་འགུགས་པར་བྱེད། ཤེ་སྦྱོར་གྱི་དུས་ཚོད་ནི་ཕྱི་ཟླ་༡༢པའི་ནང་ཡིན་པ་དང་། དུས་ཡུན་ནི་བདུན་ཕྲག་གསུམ་བཞིའི་རིང་སྡོད་ཀྱི་ཡོད། རྩྭ་དང་ལོ་མ་དང་ལྡུམ་བུ་སོགས་ཟས་སུ་བྱེད། གླ་ཕྲུག་མངལ་དུ་གནས་པའི་དུས་ཡུན་ནི་ཞག་པོ་༡༨༥ནས་༡༩༥བར་ཡིན། གླ་བ་ནི་གླ་རྩིའི་ཆེད་དུ་བརྔོན་བརྔོན་ནས་ད་ལྟ་སྟོང་ལ་ཉེ་བའི་སྲོག་ཆགས་ཀྱི་གྲས་སུ་སླེབས་ཡོད་ལ། དེའི་ནང་ནས་ཀྱང་ཉེན་ཚབས་ཆེ་བའི་གྲས་ཤིག་ཡིན། རྒྱ་དཀར་ནག་ཏུ་གླ་རྩིའི་ཆེད་དུ་གླ་བ་གསོ་སྦྱོང་བྱེད་པའི་ཐབས་ལམ་གསར་པ་ཞིག་བཙུགས་ནས་གླ་རྩི་འདོན་སྲོལ་ཡོད། འོན་ཀྱང་རྒྱ་མི་རྣམས་སྙིང་རྗེ་ཆུང་ཞིང་གདུག་རྩུབ་ཆེ་བས། ཤ་ཚ་དང་སྙིང་རྗེ་ཆེ་མེད་པར་གླ་ཕོ་རྣམས་སྡོད་གནས་ཆུང་ངུ་ཞིག་ནང་བཙོན་འཇུག་བྱེད་ཅིང་། ཡང་ཡང་འཛིན་བཟུང་བྱས་ཏེ་གླ་རྩི་འདོན་པར་བྱེད་ལ། རྩི་འདོན་སྐབས་སྦྲིད་སྨན་སོགས་གང་ཡང་མེད་པར་མི་མང་པོས་མཉམ་རུབ་ཀྱིས་མར་མནན་ནས་གླ་ཕོའི་ལྤགས་ཁུག་དེ་གྲིས་བཤགས་ནས་གླ་རྩི་རྣམས་ལྕགས་ཐུར་གྱིས་ལེན་པར་བྱེད། གླ་བ་རྣམས་ནི་འཇིགས་སྣང་དང་ན་ཟུག་གིས་ཨར་མ་བརྟེན་པར་འབྲོས་ཐབས་བྱེད་པ་སོགས་ལུས་སེམས་ཀྱི་སྡུག་བསྔལ་མང་པོ་མྱོང་། འོན་ཀྱང་རྒྱ་གར་བ་རྣམས་བྱམས་བརྩེ་ཅུང་ཟད་ཆེ་བར་བཤད། བལ་ཡུལ་དང་བོད་ཀྱི་ཁྱིམ་ཚང་སྐྱོ་གྲས་རྣམས་ལོ་རེར་ཨ་སྒོར་༨༠ཙམ་གྱི་ཡོང་བབས་ལས་མེད་རུང་། འོན་ཀྱང་གླ་བ་གཅིག་བསད་ཐུབ་ན་ཨ་སྒོར་༡༠༠ཐོབ་ཀྱི་ཡོད་པར་བརྟེན། གླ་བ་བརྔོན་ནས་འཚོ་རྟེན་བསྒྲུབ་པའང་མང་བས། གླ་བའི་གྲངས་འབོར་ཡང་ཧ་ཅང་ཉུང་དུ་སོང་། གླ་རྩིའི་ཐོན་སྐྱེད་ཀྱི་བརྒྱ་ཆ་༨༥ཙམ་ཉི་ཧོང་ལ་ཚོང་སྒྱུར་བྱེད་ཅིང་། གླ་རྩི་སྤྱི་རྒྱའམ་ཀི་ལོ་གཅིག་ལ་ཨ་སྒོར་ $US 5 5,000 སྟོང་ཕྲག་ལྔ་བཅུ་ང་ལྔ་ཙམ་རག་གི་ཡོད། གླ་རྩི་ཕྱི་རྒྱལ་བས་དྲི་ཞིམ་གྱི་བྱུག་རྫས་སུ་བེད་སྤྱོད་བྱེད། དེར་བརྟེན་ང་ཚོས་གླ་རྩིས་བཟོས་པའི་ཕྱི་རྒྱལ་གྱི་དྲི་ཞིམ་པོའི་བྱུག་རྫས་དག་ཉོ་སྒྲུབ་མི་བྱེད་ཅིང་། བྱུང་ན་དེ་དག་ལ་ངོ་རྒོལ་གྱི་ལས་འགུལ་སྤེལ་བ་དང་། དེའི་སྐོར་གནས་ཚུལ་ཁྱབ་སྤེལ་བྱས་ཏེ་གླ་བ་དང་སྟོང་ལ་ཉེ་བའི་སྲོག་ཆགས་རྣམས་ཅིས་ཀྱང་གཅེས་སྲུང་བྱེད་དགོས་སོ། །
|