From Rangjung Yeshe Wiki - Dharma Dictionary
Jump to navigation
Jump to search
| ཅིང
|
| Tibetan Definition
|
(བརྡ་སྤྲོད) སྡུད་པ་དང་སྦྲེལ་བ་དང་མཚམས་སྦྱོར་བ་དང་ལྷག་བཅས་ཀྱི་དོན་བཅས་ལ་འཇུག་པའི་ཕྲད་གཞན་དབང་ཅན་ཞིག སྨྲ་སྒོ་ལས། ཀྱང་ཡང་སོགས་དང་འཇུག་པ་མཐུན་པའི་བསྡུ་བའི་དོན་ལ་འཇུག་པར་བཤད་དེ། དེ་ཉིད་ལས། ཅིང་ལ་སོགས་པ་བསྡུ་བ་དང་། །མཚམས་སྦྱོར་དག་ཏུ་འདོད་པ་ཡིན། །ཞེས་གསུངས་སོ། །༡ གཞི་མཐུན་པའི་མཚམས་སྦྱོར་ལ་འཇུག་པ། དཔེར་ན་འདོད་ཅིང་ཆགས་ཞེས་པ་ལྟ་བུ། ༢ དུས་ཅིག་ཅར་གྱི་མཚམས་སྦྱོར་ལ་འཇུག་པ། དཔེར་ན་དུད་ཅིང་འགྲོ་ཞེས་པ་ལྟ་བུ། ༣ གཞན་འདྲེན་ཙམ་གྱི་མཚམས་སྦྱོར་ལ་འཇུག་པ། དཔེར་ན་རྗེའི་སྔགས་རིམ་ཆེན་མོ་ལས། རྒྱུན་མི་ཆད་དུ་ལྷག་པའི་ལྷར་བསྟེན་ “ཅིང་” ། །ད་དུང་ཁྱོད་ཀྱི་ཞབས་པད་སྤངས་ནས་ནི། །ནམ་ཡང་སྐྱབས་གཞན་མེད་དོ་མཁྱེན་པའི་གཏེར། །བདག་གི་རེ་བ་འབྲས་བུ་མཆིས་པར་མཛོད། །ཅེས་པ་ལྟ་བུ། ཏེ་དེ་སྟེ་གསུམ་དང་འཇུག་པ་མཚུངས་སོ། །
|