From Rangjung Yeshe Wiki - Dharma Dictionary
Jump to navigation
Jump to search
| ཆུངས་པ་དང་ཆུང་བའི་ཁྱད་པར
|
| Tibetan Definition
|
ཆུངས་པ་ནི་ཆུང་དྲགས་པའི་དོན་དང་། ཆུང་བ་ནི་ཆེ་བའི་ལྡོག་ཕྱོགས་ཙམ་མོ། །ཆུངས་པ་ཞེས་པའི་ཡང་འཇུག་ཅན་འདི་ཚིག་མཛོད་རྣམས་སུ་ཡང་མི་གསལ་ལ། འདི་ལ་ཆུང་བ་ཞེས་པའི་ཚིག་གིས་མི་ཐོན་པའི་གནད་ཕྲ་མོ་ཀྱང་ཞིག་ཡོད་དེ། ཆུངས་པ་ནི་གོང་དུ་བཤད་པ་ལྟར་ཆུང་དྲགས་པའི་དོན་དང་། ཆུང་བ་ནི་ཆེ་བའི་ལྡོག་ཕྱོགས་ཙམ་ལ་ཟེར་རོ། །དཔེར་ན། ཆེས་པ་དང་ཆེ་བ། ཉུངས་པ་དང་ཉུང་བ། མངས་པ་དང་མང་བ་ཞེས་སོགས་ཤིན་ཏུ་མང་ངོ་། །རྗེའི་ལམ་རིམ་ཆེན་མོ་ལས་དགག་བྱ་ངོས་འཛིན་ཁྱབ་ཆེས་པ་དང་ཆུངས་པ། ཞེས་འབྱུང་བ་ལྟ་བུའོ། །དེ་སང་འདི་འདྲའི་གནད་ཕྲ་མོ་ལ་ཁྱད་པར་འབྱེད་ཤེས་མཁན་དང་དོ་སྣང་བྱེད་མཁན་ནི་ཉིན་མོའི་སྐར་མ་ལྟར་སྣང་ངོ་། །
|