From Rangjung Yeshe Wiki - Dharma Dictionary
Jump to navigation
Jump to search
| ཀུན་སློང
|
| Tibetan Definition
|
བྱ་བ་གང་ཞིག་བསྒྲུབ་འདོད་ཀྱི་བསམ་པ། དེ་ལ་རྒྱུའི་ཀུན་སློང་དང་། དུས་ཀྱི་ཀུན་སློང་གཉིས་ཡོད། དེ་ཡང་རྒྱུའི་ཀུན་སློང་ནི། བྱ་བ་གང་ཞིག་གི་སྔོན་དུ་འགྲོ་བའི་ཀུན་སློང་དང་། དུས་ཀྱི་ཀུན་སློང་ནི། བྱ་བ་དེ་དང་དུས་མཉམ་པའི་ཀུན་སློང་ལ་ཟེར་ཏེ། མཛོད་རྩ་བ་ལས། ཀུན་སློང་རྣམ་གཉིས་རྒྱུ་དང་ནི། །དེ་ཡི་དུས་ཀྱི་སློང་ཞེས་བྱ། །གཉིས་ལས་དང་པོ་རབ་འཇུག་བྱེད། །གཉིས་པ་རྗེས་སུ་འཇུག་བྱེད་ཡིན། །དེའི་ཐད་ཀྱི་མཆིམས་མཛོད་ (༣༥༡) ལས། ཀུན་སློང་གཉིས་པ་དེ་དག་ལས་དང་པོ་རྒྱུའི་ཀུན་སློང་ནི། ལས་ལ་དང་པོར་རབ་ཏུ་འཇུག་པར་བྱེད་པའི་རྒྱུ་ (སྦྱོར་བ) ལྟ་བུ་ཡིན་ལ། གཉིས་པ་དུས་ཀྱི་ཀུན་སློང་ནི། ལས་བྱ་བའི་དུས་སུ་མཐུན་པར་བྱེད་པའི་ཕྱིར་རྗེས་སུ་འཇུག་པར་བྱེད་པ་ (དངོས་གཞི) ལྟ་བུ་ཡིན་ནོ། །ཞེས་གསུངས་པ་ལྟར་རོ། །
|