From Rangjung Yeshe Wiki - Dharma Dictionary
Jump to navigation
Jump to search
| ཉི་འོག་པ
|
| Tibetan Definition
|
རྒྱ་གར་གྱི་ཡུལ་དབུས་མ་ག་དྷ་པ་རྣམས་ནི་ཉི་འོག་པ་ཞེས་པའི་མིང་འཇུག་གཞིའི་གཙོ་བོ་ཡིན། མཛོད་ཊཱིཀ་ཐར་གསལ་བྱེད་ལས། རྒྱ་གར་གྱི་ཡུལ་དབུས་ལ་སོགས་པ་ཁ་ཆེའི་ཡུལ་ལས་གཞན་དག་ན་གནས་པ་རྣམས་ལ་ནི་ཉི་འོག་པ་ཞེས་བྱའོ། །ཞེས་གསུངས། མཆིམས་མཛོད་ལས། ཉི་འོག་པ་ནི་རྒྱ་གར་བ་རྣམས་སམ་ཁ་ཆེ་བའི་ཡུལ་ལས་གཞན་ན་གནས་པ་རྣམས་ཡིན་ནོ། །ཞེས་ཀྱང་གསུངས་སོ། །ཡང་ཤོག་གྲགས་༡༩ལས། གང་དག་ཁ་ཆེའི་ཡུལ་ན་གནས་པ་དེ་དག་ནི་ཁ་ཆེ་བ་ཡིན་ཞིང༌། གང་དག་ཁ་ཆེའི་ཡུལ་གྱི་ནུབ་ཕྱོགས་ན་གནས་པ་དེ་དག་ལ་ནི་ནུབ་ཕྱོགས་པ་ཞེས་བྱ་ལ། ནུབ་ཕྱོགས་པ་དང་རྒྱ་གར་གྱི་ཡུལ་དབུས་ལ་སོགས་པ་ཁ་ཆེའི་ཡུལ་ལས་གཞན་དག་ན་གནས་པ་རྣམས་ནི་ཉི་འོག་པ་ཞེས་བྱའོ། །ཞེས་གསུངས། མཆིམས་མཛོད་ལུང་ཕྱི་མ་འདི་ཅུང་ཟད་གོ་དཀའ་བས་གསལ་བར་བཤད་ན། ནུབ་ཕྱོགས་པ་དང་ཁ་ཆེའི་ཡུལ་ལས་གཞན་དག་ན་གནས་པ་རྒྱ་གར་གྱི་ཡུལ་དབུས་ལ་སོགས་པ་རྣམས་ནི་ཉི་འོག་པ་ཞེས་བྱའོ། །ཞེས་བྱ་བའི་དོན་ནོ། །ཡང་སེ་ར་རྗེ་བཙུན་པའི་གྲུབ་མཐར། བྱེ་བྲག་སྨྲ་བ་ལ་དབྱེ་ན། ཁ་ཆེ་བྱེ་བྲག་སྨྲ་བ། ཉི་འོག་པའི་བྱེ་བྲག་སྨྲ་བ། ཡུལ་དབུས་ཀྱི་བྱེ་བྲག་སྨྲ་བ་དང་གསུམ་ཞེས་ཉི་འོག་དང་ཡུལ་དབུས་གཉིས་ཐ་དད་དུ་གསུངས་འདུག་པས་དཔྱད་པར་འོས་སོ། །ཡང་ལྕང་སྐྱའི་གྲུབ་མཐར་ནི་བྱེ་སྨྲ་ལ། ཁ་ཆེ་བྱེ་སྨྲ་དང༌། ཉི་འོག་པ་གཉིས་མ་གཏོགས་མ་གསུངས་སོ། །
|