From Rangjung Yeshe Wiki - Dharma Dictionary
Jump to navigation
Jump to search
| ཐ་བ
|
| Tibetan Definition
|
སེམས་རྩུབ་མོ། སེམས་རྒྱུད་གྱོང་པོ། རྒྱུད་རེངས་པ། མ་རུངས་པ། ལས་སུ་མི་རུང་བ། མི་བསྲུན་པ། མ་དུལ་བ། རེངས་པ། སྲ་མཁྲེགས། ངན་པ། བེད་མེད་བཅས་ཀྱི་དོན་དུ་བཤད་དོ། །སྡུད་པའི་ལུང་རྗེ་ཙོང་ཁ་པའི་འཇུག་པའི་ཊཱིཀ་ཆེན་དུ་དྲངས་པ་ལས། ལུང་བསྟན་མ་ཐོབ་བྱང་ཆུབ་སེམས་དཔའ་འགའ་ཞིག་གིས། །ལུང་བསྟན་ཐོབ་ལ་སེམས་ཁྲོས་རྩོད་པ་རྩོམ་བྱེད་པ། །ཐ་བ་སྐྱོན་ལྡན་སེམས་ཀྱི་སྐད་ཅིག་ཇི་སྙེད་པ། །དེ་སྙེད་བསྐལ་པར་གཞི་ནས་གོ་ཆ་བགོ་དགོས་སོ། །ཞེས་ཐ་བ་སྐྱོན་ལྡན་ཞེས་པ་ཞེ་སྡང་ལ་སྦྱར་ལ། ཡང་བྱམས་པ་སེང་གེ་སྒྲའི་མདོ་མདོ་ཀུན་བཏུས་སུ་དྲངས་པ་ལས། གནོད་སེམས་དང༌། ཐ་བ་དང་ཞེ་སྡང་གི་སེམས་བསྐྱེད་པ་ཙམ་གྱིས་བྱང་ཆུབ་སེམས་དཔའ་ལ་རྨ་ཕྱུང་ཞིང་རྨས་པར་འགྱུར་རོ། །ཞེས་གསུངས་པའང་ཕལ་ཆེར་གོང་དང་འདྲ་བར་སྣང་ངོ༌། །ལི་ཤིའི་གུར་ཁང་དུ། མ་དུལ་བའམ་རེངས་པའི་དོན་ལ་བཤད། རྒྱུད་རེངས་པའམ་གྱོང་པོའི་དོན་དུ། དབྱངས་ཅན་དགའ་བློ་གསུང་། དཔེར་ན་ལོ་གཅིག་གཉིས་ཀྱི་རིང་ལ་མ་རྨོས་པའི་ཞིང་ས་ལ་ཞིང་ཐ་བ་ཟེར་བ་བཞིན་ནོ། །ཞེས་བསྟན་དར་ལྷ་རམས་པ་གསུང༌། རྒྱལ་མཆོག་བསྐལ་བཟང་རྒྱ་མཚོའི་འཇམ་དབྱངས་བསྟོད་སྤྲིན་རྒྱ་མཚོའི་འགྲེལ་པ་ལས། ཐ་བ་སྟེ་རེངས་པ་དང་བཅས་པའི་སེམས་ཅན་ཞེས་གསུངས་པ་ལྟར་རོ། །
|