From Rangjung Yeshe Wiki - Dharma Dictionary
Jump to navigation
Jump to search
| ཐང་མ
|
| Tibetan Definition
|
(བརྡ་རྙིང) 1 མང་པོ་མཉམ་དུ་རྒྱ་ཆེན་པོར་བཀྲམ་སྟེ་བཞག་པའི་ཕུང་པོའི་མིང་། €འདུལ་བ་གཞིི་རྒྱ་ཆེར་འགྲེལ་པལས།ཐང་མཞེས་བྱ་བ་ནི་བཀྲམ་པའི་ཕུང་པོའོ། །ཚོམས་ཞེས་བྱ་བ་ནི་བཤིག་པའི་ཕུང་པོའོ། །བུངས་ཞེས་བྱ་བ་ནི་ཚོམས་དག་གི་ཕུང་པོའོ། །ཕུང་པོ་ཞེས་བྱ་བ་ནི་ཟླུམ་པོ་ལས་གཞན་པའི་ཚོམས་སོ། །ཞེས་གསུངས་སོ། །ཡང་དེའི་ཐད་ཀྱི་€འདུལ་བ་ལུང་གཞིལས། ས་གཞི་ཆེན་པོ་འདི་ལ་སེམས་ཅན་གང་དག་ཡོད་པ་དེ་དག་ཐམས་ཅད་འཁོར་ལོའི་མཐའ་སྤུ་གྲི་ལ་བྱས་པས་དེ་དག་ཐམས་ཅད་ཀུན་ཏུ་གཅོད་པར་བྱེད། ཀུན་ཏུ་འཆེག་པར་བྱེད། ཀུན་ཏུ་རྡུང་བར་བྱེད། ཀུན་ཏུ་འདྲལ་བར་བྱེད་ཅིང་དེ་དག་ཐམས་ཅད་ཀུན་ཏུ་བཅད། ཀུན་ཏུ་གཤེགས། ཀུན་ཏུ་བརྡུངས། ཀུན་ཏུ་དྲལ་ནས་ཤའི་ཐང་མགཅིག་ཏུ་བྱེད། ཤའི་ཚོམས་གཅིག་ཏུ་བྱེད། ཤའི་བུངས་གཅིག་ཏུ་བྱེད། ཤའི་ཕུང་པོ་གཅིག་ཏུ་བྱེད་ཅིང་ཤའི་ཐང་མགཅིག་ཏུ་བྱས། ཤའི་ཚོམས་གཅིག་ཏུ་བྱས། ཤའི་བུངས་གཅིག་ཏུ་བྱས། ཤའི་ཕུང་པོ་གཅིག་ཏུ་བྱས་ནས་དེ་ལྟར་ཀུན་ཏུ་སྒྲུབ་པར་བྱེད་པ་ལས་གཞི་དེ་ལས་སྡིག་པ་ཡང་མེད། གཞི་དེ་ལས་སྡིག་པར་འགྱུར་བ་ཡང་མེད་དོ། །ཞེས་གསུངས་སོ། །འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༩༦ན༡ལས་ཀྱང་། དེ་བཞིན་དུ་གསུངས་སོ། །2 ཡང་། ཞིང་ཁ་ནས་བསྡུས་ཏེ་གཡུལ་ཁའི་ནང་སྤུངས་པའི་སྟོན་ཐོག ཞིབ་པར་བཤད་ན། ཞིང་ཁ་ནས་སྟོན་ཐོག་བསྡུས་ནས་མི་རུལ་བའི་ཕྱིར་གཡུལ་ཐང་དུ་སྲབ་མོར་ཉི་མར་བཀྲམ་པའི་ཕུང་པོ་ལ་ཟེར། ང་ཚོ་རྒྱ་གར་ལྷོ་ཕྱོགས་སེ་ར་དགོན་པར་ཡོད་དུས་ཞིང་ཁ་ནས་སྟོན་ཐོག་བསྡུས་ཚར་ན་ཐང་སྟོན་མར་ཁུ་ཟེར་བའི་ཞལ་ལག་ཞིམ་པོ་ཞིག་ཀྱང་གཏོང་སྲོལ་ཡོད། 2 བདེ་པོ་དང་། སྐྱོན་ཆག་མེད་པ། མ་ཞིག་པར་ཧྲིལ་པོར་གནས་ཐུབ་པ་བཅས་ཀྱི་དོན། བར་ལམ་སྐུ་གཟུགས་ཐང་མ་ཡིན་ཤག་ཅེས་པ་ལྟ་བུ།
|