From Rangjung Yeshe Wiki - Dharma Dictionary
Jump to navigation
Jump to search
| ཐད་སྒྱུར
|
| Tibetan Definition
|
འདི་ལ་སྒྲ་སྒྱུར་ཞེས་ཀྱང་བྱ། དཔེར་ན་བསིལ་ཐོབ་ཅེས་པ་ལེགས་སྦྱར་གྱི་ཤྲཱི་ལ་ཞེས་པའི་ཐད་སྒྱུར་དང༌། ཚུལ་ཁྲིམས་ནི་དེའི་དོན་སྒྱུར་ཡིན་པ་ལྟ་བུ། མཚོ་ཊཱིཀ་་ལ་གཞི་བྱས་ཏེ་བཀོད། ཐད་སྒྱུར་གྱི་མིང་གི་རྣམ་གྲངས་ལ། དྲང་ཐད་དུ་བསྒྱུར་པ། སྒྲ་བཞིན་དུ་བསྒྱུར་པ་ཞེས་ཀྱང་ཟེར། གནས་བརྒྱད་ཆེན་མོར་སྒྲ་དྲང་ཐད་དུ་བསྒྱུར་པ་ཞེས་འབྱུང་བ་དང༌། དེ་བཞིན་དུ་དཔལ་ཁང་ལོ་ཙཱ་བས་མཛད་པའི་བརྡ་སྤྲོད་པའའི་གཞུང་གི་སྙིང་པོ་གསལ་བའི་རང་འགྲེལ་བརྡ་སྤྲོད་སྙིང་པོ་ཆེས་ཆེར་གསལ་བ་ལས་ཀྱང༌། དྲང་ཐད་དུ་བསྒྱུར་པ་ཞེས་འབྱུང་ཞིང༌། ཕྱིས་སྡེ་སྲིད་སངས་རྒྱས་རྒྱ་མཚོ་དང༌། ཐུའུ་བཀྭན་བློ་བཟང་ཆོས་ཀྱི་ཉི་མ་ལ་སོགས་པའི་མཁས་པ་རྣམས་ཀྱི་གསུང་དུ་ཐད་སྒྱུར་ཞེས་བྲིས་པ་ལས་རིམ་བཞིན་ཐད་སྒྱུར་ཞེས་པའི་ཐ་སྙད་འདི་དར་ཁྱབ་ཆེ་བར་བྱུང་བ་ལོ་རྒྱུས་སྣང༌། ཁོང་གཉིས་ཀྱིས་ཀྱང་ཀུན་མཁྱེན་མཚོ་སྣ་བའི་མཚོ་ཊཱིཀ་སོགས་མཁས་པ་སྔ་མའི་གསུང་ལ་གཞི་བྱས་པར་སྣང་ངོ༌། །ཐད་སྒྱུར་གྱི་སྐོར་གཞན་ཡང་སྒྲ་སྒྱུར་ཞེས་པའི་ཐད་དུ་གཟིགས།
|