From Rangjung Yeshe Wiki - Dharma Dictionary
Jump to navigation
Jump to search
| ཀླགས
|
| Tibetan Definition
|
ཤིན་ཏུའམ། ལྷག་པར། ཕུལ་དུ་བྱུང་བ་བཅས་ཀྱི་དོན། གླགས། གླགས་པ་དང་། ཀླགས་པ། ལྷག་པ། བསྣན་པ། ཁྱད་འཕགས། ཕུལ་བྱུང་རྣམས་འདིར་མིང་གི་རྣམ་གྲངས་སོ། །དབུ་མ་ལ་འཇུག་པ་ལས། དེ་ཚུལ་ཕུན་ཚོགས་ཡོན་ཏན་དག་ལྡན་ཕྱིར། །རྨི་ལམ་དུ་ཡང་འཆལ་ཁྲིམས་དྲི་མ་སྤངས། །ལུས་ངག་ཡིད་ཀྱི་རྒྱུ་བ་དག་གྱུར་པས། །དམ་པའི་ལས་ལམ་བཅུ་ཆར་སོག་པར་བྱེད། །དགེ་བའི་ལམ་འདི་ལྟ་ཞིག་བཅུ་ཆར་ཡང། །དེ་ལ་ཀླགས་ཏེ་ཤིན་ཏུ་དག་པར་འགྱུར། །ཞེས་གསུངས། རྗེའི་དབུ་མ་དགོངས་པ་རབ་གསལ་ལས། དེས་ཀྱང་སོག་མོད་ཀྱི་འོན་ཀྱང་དགེ་བའི་ལས་ཀྱི་ལམ་འདི་ལྟ་ཞིག་བཅུ་ཆར་ཡང། ས་གཉིས་པ་བ་དེ་ལ་ཀླགས་པ་སྟེ་ཤིན་ཏུ་ཕུལ་དུ་བྱུང་བར་དག་པར་འགྱུར་བ་དེ་ལྟར་ས་དང་པོ་བ་ནི་མ་ཡིན་ནོ། །ཞེས་གསུངས་སོ། །
|