From Rangjung Yeshe Wiki - Dharma Dictionary
Jump to navigation
Jump to search
| དབང་པོ་ལྔ
|
| Tibetan Definition
|
2 བྱང་ཕྱོགས་སྡེ་ཚན་བདུན་གྱི་བཞི་པ་དབང་པོ་ལྔ་ནི། དད་པའི་དབང་པོ། བདེན་བཞི་ལ་ཡིད་ཆེས་པའི་དད་པ བརྩོན་འགྲུས་ཀྱི་དབང་པོ། བླང་དོར་བྱེད་པར་སྤྲོ་བའི་བརྩོན་འགྲུས དྲན་པའི་དབང་པོ། དམིགས་རྣམ་མ་བརྗེད་པའི་དྲན་པ ཏིང་ངེ་འཛིན་གྱི་དབང་པོ། སེམས་རྩེ་གཅིག་པའི་ཏིང་ངེ་འཛིན ཤེས་རབ་ཀྱི་དབང་པོ་རྣམས་སོ། །བྱང་ཕྱོགས་སྡེ་ཚན་བདུན་གྱི་དབང་པོ་ནི། འཕགས་ལམ་སྐྱེད་པ་ལ་རང་དབང་དང་ལྡན་པའི་མཁྱེན་པ་ལ་ཟེར། སྒྲ་བཤད་ནི། འཕགས་ལམ་སྐྱེད་པ་ལ་རང་དབང་དང་ལྡན་པས་ན་དབང་པོའོ། །དབང་སྟོབས་གཉིས་ཀྱི་ཁྱད་པར་ནི། རྣམ་བྱང་གི་དབང་པོ་དེ་མ་དད་པ་དང༌། ལེ་ལོ། བརྗེད་ངས། རྣམ་གཡེང༌། ཤེས་བཞིན་མ་ཡིན་པ་རྣམས་སྐབས་སྐབས་སུ་འབྱུང་བས་མི་མཐུན་ཕྱོགས་ཀྱིས་རྫི་བར་ནུས་པའི་ཕྱིར་ནུས་པ་ཆུང་ལ། སྟོབས་ནི་མི་མཐུན་ཕྱོགས་ཀྱིས་བརྫི་བར་མི་ནུས་པའི་ཕྱིར་རོ། །
|