From Rangjung Yeshe Wiki - Dharma Dictionary
Jump to navigation
Jump to search
| དམ་ཅན་ཆོས་རྒྱལ
|
| Tibetan Definition
|
ཀཱ་ལ་རཱུ་པ་ཡང་ཟེར། སྐྱོ་ལུགས་པ་དག་རྒྱུད་དུ་བཞེད་པའི་ལོ་རྒྱུས་ཀྱི་རྟོགས་པ་ཞེས་བྱ་བ་ལས། བཅོམ་ལྡན་འདས་འཇམ་དཔལ་ཤིན་ཏུ་ཁྲོས་པའི་འཇིགས་བྱེད་ཆེན་པོའི་སྐུར་སྤྲུལ་ཏེ། འཛམ་བུ་གླིང་གི་ལྷོ་ཕྱོགས་རིམ་པ་བདུན་གྱི་ས་འོག་ན། གཤིན་རྗེའི་གྲོང་ཁྱེར་ཆེན་པོ་ཡོད་པར་བྱོན་ནས། ལྕགས་མཁར་སྒོ་མེད་བཅུ་དྲུག་ཞབས་དྲུག་གིས་མནན་ཅིང༌། གཤིན་རྗེ་འཁོར་བཅས་སྐྲག་པར་མཛད་པས། རང་རང་གི་སྲོག་གི་སྙིང་པོ་ཕུལ་ཞིང༌། དམ་ལ་བཞག་ནས་བཀའ་བསྒོས་ཏེ། འཇམ་དཔལ་གཤིན་རྗེ་གཤེད་ཀྱི་འཕྲིན་ལས་ཐམས་ཅད་ཚུལ་བཞིན་དུ་བསྒྲུབ་པའི་སྲུང་མར་གསུངས་ལ། གཙུག་ཏོར་རྣམ་རྒྱལ་གྱི་རྟོགས་པ་ལ་སོགས་པ་དུ་མ་ལས་ཀྱང༌། སྟོན་པ་ཤཱཀྱ་ཐུབ་པ་རང་ཉིད་ཀྱི་སྤྱན་སྔར་ཡང་བསྟན་པ་བསྲུང་བར་ཁས་བླངས་པར་གསུངས། གཞན་ཡང་འཇམ་དཔལ་གཤིན་རྗེ་གཤེད་དམར་ནག་འཇིགས་གསུམ་གྱི་རྒྱུད་ཐམས་ཅད་ལས། བཅོམ་ལྡན་འདས་གཤིན་རྗེ་གཤེད་ཀྱི་སྒོ་ནས། མ་རུངས་པ་ཚར་གཅོད་པའི་འཕྲིན་ལས་བསྒྲུབ་པ་ཕལ་ཆེ་བ་ལ། འཇམ་དཔལ་གཤིན་རྗེ་གཤེད་པོ་རང་ཉིད་ཀྱིས། བཀའ་བསྒོས་པའི་ལས་ཀྱི་མགོན་པོར་ཡང་དུ་ཡང་དུ་བསྔགས་པར་གསུངས། དགེ་ལྡན་པའི་བསྟན་སྲུང་གི་གཙོ་བོ་མགོན་པོ། ཆོས་རྒྱལ། དཔལ་ལྡན་ལྷ་མོ། རྣམ་སྲས་དང་བཞི་ཡོད་པའི་ཡ་གྱལ་ལོ། །ཆོས་རྒྱལ་ཕྱི་སྒྲུབ་དང་ཆོས་རྒྱལ་ནང་སྒྲུབ་ཀྱི་ཐད་དུ་གཟིགས།
|