From Rangjung Yeshe Wiki - Dharma Dictionary
Jump to navigation
Jump to search
| དམར་ཁྲིད
|
| Tibetan Definition
|
སྨན་པའི་སློབ་དཔོན་གྱིས་སློབ་མ་ལ་མིའི་རོ་ཁ་ཕྱེ་ནས་དོན་ལྔ་སྣོད་དྲུག་གི་ཆགས་ཚུལ་སོགས་རེ་རེ་ནས་དངོས་སུ་བསྟན་ནས་ཁྲིད་པ་ལྟར། འདི་ལྟར་བསྒོམས་ནས་འདི་བཞིན་འབྱུང་ངོ་ཞེས་ལུང་སྟོན་པ་ཙམ་མིན་པར། དངོས་སུ་མ་སྐྱེས་ཀྱི་བར་དུ་བླ་མས་ལག་ཁྲིད་བྱས་ནས་ཁྲིད་པ་ལ་ཟེར་བ་ཡིན། ཞེས་མཁས་གྲུབ་ཐམས་ཅད་མཁྱེན་པའི་གསང་འདུས་ཡིག་ཆུང་ཉེར་གཅིག་ལས་གསུངས། སྒྲ་བཤད་ནི། རོ་དམར་པོ་ཁ་ཕྱེ་ནས་དེའི་ཆགས་ཚུལ་ཁྲིད་པ་ལྟར། རྟོགས་པ་མ་སྐྱེས་ཀྱི་བར་བླ་མས་ལག་ཁྲིད་བྱས་ནས་ཁྲིད་པས་དེ་སྐད་ཅེས་བྱའོ། །
|