From Rangjung Yeshe Wiki - Dharma Dictionary
Jump to navigation
Jump to search
| དམར་སྤྲོ
|
| Tibetan Definition
|
ལོ་གསར་དང་རྟེན་འབྲེལ་མཛད་སྒོའི་སྐབས་ཅོག་ཙེའམ་སྟེགས་བུའི་སྟེང་དུ་བཤམས་པའི་སྣུམ་ལ་བསྲེགས་པའི་ཁ་ཟས་དམར་པོའི་རིགས་ཤིག་གི་མིང་། ཁ་དོག་ཙམ་ལས་བཟོ་དབྱིབས་སོགས་དཀར་སྤྲོ་དང་འདྲ་བ་ཡིན། དཀར་སྤྲོ་ལ་གཟིགས། དམར་སྤྲོ་ཞེས་པའི་ཐ་སྙད་འདི་༸རྒྱལ་མཆོག་ལྔ་པའི་རྣམ་ཐར་དུ་ཀཱུ་ལའི་གོས་བཟང་གླེགས་བམ་དང་པོ་ཤོག་གྲངས་༦༤སོགས་སུ་སྣང་། ངོས་ནས་དམར་སྤྲོ་ཞེས་པ་དམར་ཟས་དང་འབྲེལ་བ་ཡོད་པས་ཡིན་ནམ་སྙམ་པ་ཡོད་ཀྱང་། དགུང་གྲངས་༨༢ལ་སོན་པ་བོད་ཀྱི་ལོ་རྒྱུས་དང་རིག་གནས་སོགས་ལ་མཁྱེན་རྒྱ་ཆེ་ཞིང་། བོད་ཀྱི་གཞུང་ཞབས་བགྲེས་གྲས་སྐུ་ངོ་སྣར་སྐྱིད་ངག་དབང་དོན་གྲུབ་ལགས་སུ་དེ་སྐོར་བཀའ་འདྲི་ཞུས་པས། ཁོང་གིས་ཟས་ཚོན་དམར་པོ་བླུགས་ནས་བཟོས་པའི་ཁ་ཟས་ལ་དམར་སྤྲོ་ཟེར་བ་རེད་ཅེས་གསུངས་བྱུང་།
|