From Rangjung Yeshe Wiki - Dharma Dictionary
Jump to navigation
Jump to search
| དཱ་ན་ཤཱི་ལ
|
| Tibetan Definition
|
2 དཱ་ན་ཤཱི་ལ་ཕྱི་མ་ནི། ཁ་ཆེ་པཎ་ཆེན་ཤཱཀྱ་ཤྲཱིའི་སློབ་མ། ཁ་ཆེ་པཎ་ཆེན་དང་མཉམ་དུ་རབ་བྱུང་གསུམ་པའི་ཤིང་བྱི་༡༢༠༤ལོར་བོད་དུ་བྱོན། ས་པཎ་གྱིས་དེ་རྣམས་ལས་སྒྲ་ཚད་སོགས་རིག་གནས་ཆེ་བ་ལྔ་དང༌། སྙན་ངག་མངོན་བརྗོད་སོགས་རིག་གནས་ཆུང་བ་ལྔ་སྟེ་རིག་གནས་བཅུ་ལ་སྦྱངས་པ་མཐར་ཕྱིན་མཛད་པས་ས་པཎ་གྱི་སློབ་དཔོན་དུ་གྱུར། ཆོས་འབྱུང་མཁས་པའི་དགའ་སྟོན་༥༢༤དུ། ས་པཎ་གྱིས་དཱ་ན་ཤཱི་ལར་རང་གི་ལྕམ་མོ་ཞིག་ལས་རྒྱར་འབུལ་ཚུལ་ཡང་བཤད་ཡོད། དཱ་ན་ཤཱི་ལ་སྔ་ཕྱི་གཉིས་བྱུང་བ་ནི་བུ་སྟོན་ཆོས་འབྱུང་དུ་གསལ་བར་གསུངས་ཏེ། བོད་དུ་བྱོན་ནས་དམ་པའི་ཆོས་དར་བར་མཛད་པའི་པཎྜི་ཏ་གོ་གསུམ་༩༣གྱི་མཚན་ཐོ་བུ་སྟོན་ཆོས་འབྱུང་དུ་གསལ་བ་ལས། དཱ་ན་ཤཱི་ལ་གྲངས་༡༧པ་དང༌། དཱ་ན་ཤཱི་ལ་གྲངས༧༡པ་གཉིས་གསུངས་སོ། །
|