From Rangjung Yeshe Wiki - Dharma Dictionary
Jump to navigation
Jump to search
| དུས་མ་ཡིན་པར་ལོངས་སྤྱད་དུ་རུང་བའི་བཅའ་བ་དང་བཏུང་བ
|
| Tibetan Definition
|
(འདུལ་བ) དགེ་སློང་གིས་དུས་མ་ཡིན་པ་སྟེ་ཕྱི་དྲོའི་དུས་སུ་ལོངས་སྤྱད་དུ་རུང་བའི་བཅའ་བ་དང་བཏུང་བའི་རིགས། མར་དང་། བུ་རམ། ཧྭགས། ཤ་ཁ་ར་དང་། བཏུང་བ་དག་གོ། ལོ་རྒྱུས་ནི། འདུལ་བ་གཞི། བམ་པོ་ལྔ་བཅུ་བརྒྱད་པ། བཅོམ་ལྡན་འདས་ཀྱིས་ཡུན་རིང་པོ་ཞིག་ཏུ་ཆོས་བཤད་པས་གདུགས་ཚོད་ཀྱི་དུས་ལས་ཡོལ་བར་གྱུར་ཏོ། །ཁྱིམ་བདག་ལུག་གིས་གསོལ་བ། བཅོམ་ལྡན་འདས་ཞལ་ཟས་ཀྱི་མཛད་པ་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཟས་ཀྱི་དུས་ལས་ཡོལ་བར་གྱུར་ཏོ། །དེས་གསོལ་བ། བཅོམ་ལྡན་འདས་དུས་མ་ལགས་པར་རུང་བ་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། མར་དང་། བུ་རམ་དང་། ཧྭགས་དང་། ཤ་ཁ་ར་དང་། བཏུང་བ་དག་གོ། དེ་ནས་ཁྱིམ་བདག་ལུག་གིས་གྱོས་མཁན་དག་བཀུག་སྟེ་སྨྲས་པ། ཤེས་ལྡན་དག་དུས་མ་ཡིན་པའི་བཅའ་བ་རྣམས་མྱུར་དུ་སྟ་གོན་གྱིས་ཤིག དེ་རྣམས་ཀྱིས་དུས་མ་ཡིན་པའི་བཅའ་བ་རྣམས་སྟ་གོན་བྱས་སོ། །དེ་ནས་ཁྱིམ་བདག་ལུག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་དུས་མ་ཡིན་པའི་བཅའ་བ་དང་། དུས་མ་ཡིན་པའི་བཏུང་བ་རྣམས་ཀྱིས་ཚིམ་པར་བྱས་སོ། །ཞེས་གསུངས་སོ། །
|