From Rangjung Yeshe Wiki - Dharma Dictionary
Jump to navigation
Jump to search
| དུས་མཚན་མ་དམར་མོ
|
| Tibetan Definition
|
(གསང་སྔགས) དབང་ལྡན་གྱི་དབང་ཕྱུག་ཆེན་པོ་གླང་ལ་ཆིབས་ཤིང༌། རྩེ་གསུམ་ཐོགས་པ་དེའི་རྣམ་འཕྲུལ་འཇིགས་བྱེད་ནག་པོ་ཞེས་པ་དེའི་ཆུང་མའི་མིང༌། འདི་ལྷ་མོ་ཨུ་མ་ལ་རྣམ་འགྱུར་མང་པོ་ཡོད་པའི་ནང་ནས་གཅིག་ཡིན། རྗེའི་འདོད་འཇོ་ལས། ཆད་པའི་རྟོག་པ་སྟེ་ཆད་མཐའ་ཞི་བ་ཕྱོགས་གཅིག་པའི་མྱང་འདས་མཚོན་པའི་དུས་མཚན་མ་སྟེ་ལྷ་མོ་ཨུ་མ་མནན་པའོ། །ཨུ་མ་ནི་དམར་མོ་ལག་པ་བཞི་པའི་དང་པོ་གཉིས་ཐལ་མོ་སྦྱར་བ། ལྷག་མ་གཉིས་ཐོད་པ་དང་ཁ་ཊྭཱཾ་ག་འཛིན་པའོ། །ཞེས་གསུངས། འཇིགས་བྱེད་ནག་པོ་ལ་གཟིགས།
|