From Rangjung Yeshe Wiki - Dharma Dictionary
Jump to navigation
Jump to search
| དོན་སྒྱུར
|
| Tibetan Definition
|
ཚིག་གཙོ་བོར་བྱས་ཏེ་ཐད་སྒྱུར་བྱས་པ་མིན་པར་གོ་དོན་གཙོ་བོར་བྱས་པའི་སྒྱུར། དཔེར་ན་ཚུལ་ཁྲིམས་ནི་ལེགས་སྦྱར་གྱི་ཤིའ་ལ་ཞེས་པའི་དོན་སྒྱུར་དང༌། བསིལ་ཐོབ་ནི་དེའི་སྒྲ་སྒྱུར་རམ་ཐད་སྒྱུར་ཡིན་པ་ལྟ་བུ། མཚོ་ཊཱིཀ་ལ་གཞི་བྱས་ཏེ་བཀོད། ཡང་ཉན་ཤུལ་མཁྱེན་རབ་འོད་གསལ་མཆོག་གིས། དོན་སྒྱུར་ཞེས་པ་ནི་དངོས་པོ་དེ་ལ་མིང་དེ་ལྟར་འདོགས་དགོས་པའི་རྒྱུ་མཚན་བཤད་དུ་ཡོད་པའི་རིགས་རྣམས་ཡིན་ཞིང༌། དཔེར་ན་རླངས་འཁོར་དང༌། རྐང་འཁོར། གློག་བརྙན་དང༌། སྒྲ་སྡུད་འཁོར་ལོ་དང༌། བརྙན་འཕྲིན་སོགས་ལྟ་བུ་ཡིན། སྒྱུར་སྟངས་ཡག་པོ་ཞིག་བྱུང་ན་དོན་སྒྱུར་དེ་ཤིན་ཏུ་བཟང་སྟེ། མིང་རྐྱང་པ་བརྗོད་པ་ཙམ་གྱིས་དངོས་པོ་དེའི་ཁྱད་ཆོས་སམ་བྱེད་ལས་དེ་ཕྱོགས་ཙམ་བློ་ཡུལ་དུ་འཁོར་ཐུབ་པ་ཡིན། སྔར་བོད་ཀྱི་ལོ་ཙཱ་བ་རྣམ་པས་མདོ་རྒྱུད་རིག་གནས་ཕོན་ཆེན་དེ་འདྲ་ཞིག་བསྒྱུར་པ་མཐའ་དག་བོད་སྐད་དུ་དོན་སྒྱུར་བྱས་པ་ལྟ་བུ་ནི་མི་རིགས་གཞན་སུས་ཀྱང་སྒྱུར་ཐུབ་མེད་པར་གྲགས། འོན་ཀྱང་སྒྱུར་སྟངས་ཡག་པོ་མ་བྱུང་ན་མིང་ཕན་ཚུན་ནོར་ཉེན་ཡོད་པ་དང༌། བོད་རིགས་ས་ཁུལ་ཁག་གི་ཡུལ་སྐད་ཅུང་ཟད་མི་འདྲ་བས་སྒྱུར་སྐབས་ཕྱོགས་འཐེན་གྱིས་གཅིག་མཐུན་ཡོང་འགྱུར་འགོག་རྐྱེན་འབྱུང་སྲིད་པ་ཡིན། ཞེས་ཀྱང་གསུངས།
|