From Rangjung Yeshe Wiki - Dharma Dictionary
Jump to navigation
Jump to search
| དྲང་སྲོང
|
| Tibetan Definition
|
ཁྱིམ་གྱི་འདུ་འཛི་དང་གཡེང་བ་སྤངས་ཏེ་དབེན་པར་སོང་ནས་ཏིང་ངེ་འཛིན་བསྒོམས་པས་བསམ་གཏན་ལ་སོགས་པའི་ཡོན་ཏན་གོང་མ་ཐོབ་པ། སྨོན་པའི་ཚིག་གིས་ཀྱང་གཞན་གྱི་དགོས་པ་བསྒྲུབ་ནུས་པ། ངན་པའི་སྤྱོད་པ་གཡོ་སྒྱུ་སོགས་མེད་པར་ཤེས་རྒྱུད་དྲང་པོར་སྲོང་བའི་རྣལ་འབྱོར་པ་ལ་ཟེར། ཇི་སྐད་དུ། འཁོར་བས་སྐྱོ་སྟེ་ནགས་སུ་སོང༌། །བསམ་གཏན་ཐོབ་སྟེ་མངོན་ཤེས་འཆར། །དེ་ལ་མི་ཡི་དྲང་སྲོང་ཟེར། །བསམ་གཏན་མ་ཐོབ་གྲོང་དུ་བབས། །སྙན་ངག་སོགས་འཚོ་བྲམ་ཟེའི་རིགས། །ཞེས་འབྱུང་བ་ལྟར་རོ། །ཞེས་རྗེ་གུང་ཐང་པ་གསུང༌། དྲང་སྲོང་གི་སྒྲ་ནི་ཕྱི་རོལ་པའི་དྲང་སྲོང་བདེན་ཚིག་གྲུབ་པ་དང༌། སངས་རྒྱས། ཉན་ཐོས། རང་རྒྱལ། ཐེག་ཆེན་འཕགས་པ་སྟེ་འཕགས་པའི་གང་ཟག་ཐམས་ཅད་ལ་འཇུག སངས་རྒྱས་ལ་འཇུག་པ་ནི། རྒྱུད་བླ་མར། དེ་ནི་དྲང་སྲོང་གསུང་ཡིན་ལྡོག་པ་གཞན། །ཞེས་དང༌། དེ་ཡང་དྲང་སྲོང་བཀའ་བཞིན་སྤྱི་བོས་བླང༌། །ཞེས་སོགས་ཤིན་ཏུ་མང་ངོ༌། །
|