From Rangjung Yeshe Wiki - Dharma Dictionary
Jump to navigation
Jump to search
| པ་ཚབ་ཉི་མ་གྲགས
|
| Tibetan Definition
|
བོད་ཀྱི་ལོ་ཙཱ་བ་གྲགས་ཅན་ཞིག ཤ་ར་བ་ཡོན་ཏན་གྲགས་དང་དུས་མཉམ་དུ་བྱོན་པའི་འཕན་ཡུལ་རྒྱལ་ལྷ་ཁང་པ། ཞང་པ་ཚབ་ཉི་མ་གྲགས་ཞེས་པ་ཁ་ཆེ་ན་ལོ་ཉི་ཤུ་རྩ་གསུམ་སྦྱངས་ཏེ། པཎྜི་ཏ་ཀ་ན་ཀ་ཝརྨ་སྤྱན་དྲངས་ཏེ། དབུ་མ་རིགས་ཚོགས་དྲུག་དང་། གསང་འདུས་འགྲེལ་པ་སྒྲོན་གསལ་ལ་སོགས་ཀླུ་སྒྲུབ་ཀྱི་བསྟན་བཅོས་ཕལ་མོ་ཆེ་བོད་དུ་བསྒྱུར། དེའི་སློབ་མ་བཀའ་བབས་བཞི་ནི། ཚིག་ལ་མཁས་པ་ཤེའུ་གངས་པ། དོན་ལ་མཁས་པ་གཙང་པ་འགྲེ་སྒུར། ཚིག་དོན་གཉིས་ཀ་ལ་མཁས་པ་རྨ་བྱ་བྱང་བརྩོན། ཞང་ཐང་སག་པ་དང་བཞིའོ། །སེ་ར་ཀུན་མཁྱེན་བློ་གྲོས་རིན་ཆེན་སེངྒེའི་བསྟོད་པ་དགེ་ལེགས་དཔལ་འབར་མར། སྐྱེ་བ་ཀུན་ཏུ་ཁྱོད་གསུང་ལྕགས་ཀྱུ་ཡིས། །ལེགས་པར་དྲངས་ཏེ་བདག་ཡིད་གླང་པོ་ཆེ། །གྲགས་པ་རྣམ་གསུམ་གཞུང་གི་ལམ་བཟང་ནས། །ཐར་པའི་གྲོང་མཆོག་འཇུག་པར་བྱིན་གྱིས་རློབས། །ཞེས་པའི་གྲགས་པ་རྣམ་པ་གསུམ་ནི། དཔལ་ལྡན་ཟླ་བ་གྲགས་པ། པ་ཚབ་ཉི་མ་གྲགས། རྗེ་ཙོང་ཁ་པ་བློ་བཟང་གྲགས་པ་དང་གསུམ་མོ། །
|