From Rangjung Yeshe Wiki - Dharma Dictionary
Jump to navigation
Jump to search
| པདྨ་ཉི་མ་ཟླ་བའི་གདན་གསུམ་གྱི་མཚོན་དོན
|
| Tibetan Definition
|
པད་ཉི་ཟླ་གསུམ་གྱིས་ངེས་འབྱུང་བྱང་སེམས་ཡང་དག་པའི་ལྟ་བ་གསུམ་མཚོན་པ་ཡིན་ཏེ། དེ་ཡང་པདྨ་ནི་འདམ་ལས་སྐྱེས་ཀྱང་འདམ་གྱིས་མ་གོས་པ་ལྟར་འཁོར་བའི་སྐྱོན་གྱིས་མ་གོས་པའི་ངེས་འབྱུང་མཚོན། ཉི་མ་ནི་མུན་པ་སེལ་ཞིང་གཟུགས་སོགས་གསལ་བར་བྱེད་པ་ལྟར། མ་རིག་པའི་མུན་པ་སེལ་ཞིང་གནས་ལུགས་དམ་པ་རྟོགས་པར་བྱེད་པའི་དོན་དམ་པའི་བྱང་ཆུབ་ཀྱི་སེམས་དེ་མཚོན། ཟླ་བ་ནི་ཚ་གདུང་སེལ་ཞིང་འོད་དཀར་བ་ལྟར་ཞེ་སྡང་གི་ཚ་གདུང་སེལ་ཞིང་ངོ་བོ་རྣམ་པར་དཀར་བའི་ཀུན་རྫོབ་བྱང་ཆུབ་ཀྱི་སེམས་དེ་མཚོན། དེ་གསུམ་གདན་དུ་བྱེད་པ་ནི་དེ་ལྟ་བུའི་ལམ་གཙོ་རྣམ་གསུམ་ལ་དབང་སྒྱུར་བ་མཚོན་བྱེད་དོ། །
|