From Rangjung Yeshe Wiki - Dharma Dictionary
Jump to navigation
Jump to search
| ཕྱ་ལེ་བ
|
| Tibetan Definition
|
ངོས་མཉམ་པ། མཉམ་པ། ཕྱ་ལེ་བ་ནི་མཉམ་པའི་དོན་ཡིན་ཏེ། ཕུང་པོ་ལྔའི་རབ་བྱེད་ལས། ཟླུམ་པོ་དང་། ལྷམ་པ་དང་། མཐོ་བ་དང་། དམའ་བ་དང་། མཉམ་པ་དང་། མི་མཉམ་པ་དང་། ཞེས་ཕྱ་ལེ་བ་དང་། ཕྱ་ལེ་བ་མ་ཡིན་པ་ཞེས་པའི་ཚབ་ཏུ། མཉམ་པ་དང་། མི་མཉམ་པ་དང་། ཞེས་ཐ་སྙད་བྱས་སོ། །ཕྱལ་ལེ་བ་ཞེས་ལའི་མཐའ་རྟེན་ཡོད་པའང་བྲིས་སྣང་སྟེ། མངོན་པ་ཀུན་བཏུས་༣བ༢ལས། ཕྱལ་ལེ་བ་དང་། ཕྱལ་ལེ་བ་མ་ཡིན་པ་དང་། ཞེས་གསུངས་སོ། །འདི་སྡེ་དགེ་བསྟན་འགྱུར་སེམས་ཙམ་གླེགས་བམ་༼ རི་པ ༽༤༦བ་༢ན་སྣང་ངོ་། །ཕྱ་ལེ་བ་ལས། ཕྱལ་ལེ་བ་ཞེས་པ་འདི་ཅུང་ཟད་གོ་རྒྱུ་ཆེ་བར་སྣང་སྟེ། ཕྱལ་ནི་ལྟོ་བའམ་ལྟེ་བ་དཀྱིལ་བཅས་ལ་འཇུག་པར་སེམས་ལ། ལེ་བ་ནི། ལེབ་པ་ཞེས་པའི་དོན་ཏེ། མདོར་ན་ཕྱལ་ཏེ་དཀྱིལ་ནས་འབུར་འབུར་མེད་པར་ཐང་ལྟར་ལེབ་མོ་ཡིན་པས་ན་ཕྱལ་ལེ་བ་སྟེ་མཉམ་པ་ཞེས་པའི་དོན་ནོ། །
|