From Rangjung Yeshe Wiki - Dharma Dictionary
Jump to navigation
Jump to search
| ཕྱི་རོལ་པ
|
| Tibetan Definition
|
མུ་སྟེགས་པའི་མིང་། གཞུང་ཆེན་མོ་རྣམས་སུ་ཕྱི་རོལ་པ་ཞེས་འབྱུང་བ་འདི་རྒྱ་གར་གྱི་ཧིནྡཱུའི་ཆོས་ལུགས་པར་གོ སྒྲ་བཤད་ནི། ཕྱི་རོལ་པ་ཞེས་པའི་ཐ་སྙད་འདི་ཐོག་མར་བྲམ་ཟེའམ་མིང་གཞན་ཚངས་པ་བ་ “ ब्राह्मण ” ཞེས་པ་འདིའི་སྒེར་མིང་ཡིན་ལ། རྗེས་སུ་སྤྱི་མིང་བྱེ་བྲག་ལ་ཆགས་ནས་མུ་སྟེགས་པ་སྤྱིའི་མིང་དུ་གྱུར་ཏོ། །བྲམ་ཟེ་ལ་ཕྱི་རོལ་པ་ཟེར་བའི་རྒྱུ་མཚན་ནི། བྲམ་ཟེ་རྣམས་ཁྱིམ་ན་མི་གནས་ཤིང་གྲོང་གི་ཕྱི་རོལ་དུ་གནས་དབེན་པ་དག་ན་དཀའ་ཐུབ་དང་ཚངས་སྤྱོད་དང་གཙང་སྦྲ་སོགས་ཀྱི་དཀར་པོ་དགེ་བའི་ཆོས་ལ་སྤྱོད་ཅིང་བཞུགས་པས་ཁོང་ཅག་ལ་ཕྱི་རོལ་པ་ཞེས་བྱའོ། །དེ་ཡང་སྒྲ་སྦྱོར་བམ་གཉིས་ལས། བྲཱཧྨཎ་ཞེས་བྱ་བ་བསྐལ་པ་དང་པོའི་ཚེ་མི་ཁ་ཅིག་ཁྱིམ་ན་མི་གནས་ཤིང་དགོན་པ་ན་ཆོས་སྤྱོད་པ་གྲོང་ནས་ཕྱི་རོལ་ཏུ་ཡིད་དགའ་བ་ལས་ཕྱི་རོལ་པ་ཞེས་ཆོས་མངོན་པ་ལས་བཤད། བྲམ་ཟེའི་གཞུང་ལས་བྲཱཧྨཎོཨཱཔཏྱན་ཞེས་བྱ་བ་འབྱུང་སྟེ། ཚངས་པའི་བུ་ཞེས་བྱ་བར་འགྱུར་མོད་ཀྱི་སྔོན་ཆད་གྲགས་པ་བཙན་པར་བྱས་ཏེ་བྲམ་ཟེ་སོ་ན་བཞག་ཅེས་གསུངས་པ་ལྟར་རོ། །ཕྱི་རོལ་པ་ལ་དབྱེ་ན། ཆད་པར་སྨྲ་བ་ནི། རྒྱང་འཕེན་པ་དང༌། རྟག་པར་སྨྲ་བ་ནི་གྲངས་ཅན་པ། ཚངས་པ་བ། ཁྱབ་འཇུག་པ། དཔྱོད་པ་བ། དབང་ཕྱུག་པ། བྱེ་བྲག་པ། རིག་པ་ཅན་པ། གཅེར་བུ་པ་སྟེ་བརྒྱད་དུ་བསྡུ་བར་གསུངས་པ་ལྟར་རོ། །འདིའི་ཚངས་པ་བ་དང་བྲམ་ཟེ་གཉིས་དོན་གཅིག་གོ།
|