From Rangjung Yeshe Wiki - Dharma Dictionary
Jump to navigation
Jump to search
| ཕྲེང་བ
|
| Tibetan Definition
|
བགྲང་ཕྲེང་ནི། རྗེའི་སྔགས་རིམ་ཆེན་མོ་༤༢༥བ་ལས། ཕྲེང་རྡོག་གི་གྲངས་ཀྱང་དེ་ཉིད་ལས། སྔགས་ཀྱི་སྒྲུབ་པ་ལྔ་བཅུ་སྟེ། །དབང་ལ་དེ་ཡི་ཕྱེད་ཉིད་དོ། །བརྒྱ་ཕྲག་གཅིག་ནི་ཞི་བ་ལ། །དེ་བཞིན་རྒྱས་ལ་ལྷག་པར་བརྒྱད། །མངོན་སྤྱོད་ལ་ནི་དྲུག་ཅུ་ཉིད། །ཁྱད་པར་དུ་ནི་ལས་ལ་སྦྱར། །ཞེས་སོ། །ཞེས་གསུངས། བགྲང་བའི་ཚུལ་ནི། དེ་ཉིད་ལས་༤༢༦ན་ལས། རྡོ་རྗེ་མཁའ་འགྲོ་ལས། ཞི་བ་ལ་ནི་མཛུབ་མོར་བཞག རྒྱས་ལ་གུང་མོར་དགལ་བར་བྱ། །དབང་དུ་བྱ་བ་སྲིན་ལག་གསུངས། །མཐའ་མ་ནི་མངོན་སྤྱོད་བྱ། །མཐེ་བོང་ལྕགས་ཀྱུར་བྱས་ནས་ནི། །ལྷ་རྣམས་ཐམས་ཅད་འགུགས་པར་བསམ། །ཤིན་ཏུ་མཉམ་གཞག་སྔགས་བཟླས་ན། །འགྲུབ་འགྱུར་འདིར་ནི་ཐེ་ཚོམ་མེད། །ཅེས་གསུངས་ཏེ། ཞེས་གསུངས། ཕྲེང་བའི་སྐོར་རྒྱས་པར་རྗེའི་སྔགས་རིམ་ཆེན་མོ་༤༢༥ན་ལ་གཟིགས། ཕྲེང་བ་དང་། འཕྲེང་བ་གཉིས་གདམ་ང་ཡིན་ཏེ། འས་འཕུལ་དགོས་མི་དགོས་བཤད་པའི་ཐད་ཀྱི་དག་ཡིག་ངག་སྒྲོན་ལས། ཕྲིན་ལས་ཕྲེང་སོགས་གང་ཡང་རུང་། །ཞེས་གསལ་བར་གསུངས་ཤིང་། གཞུང་ཆེན་མོ་རྣམས་སུའང་ཅི་རིགས་སུ་བྲིས་པ་ལྟར་ཁས་བླང་བར་བྱའོ། །
|