From Rangjung Yeshe Wiki - Dharma Dictionary
Jump to navigation
Jump to search
| བ་དན
|
| Tibetan Definition
|
<པ་ཏཱ་ཀ> 1 གོས་ཁ་དོག་སྣ་ཚོགས་པ་ཅན་ལྕུག་མ་རིང་པོ་ལ་བཏགས་པ་ནི་བ་དན་ནོ། །ཞེས་ལུང་ཕྲན་ཚེགས་ཀྱི་འགྲེལ་པར་གསུངས། འདི་ལ་ལེགས་སྦྱར་གྱི་ “པ་ཏཱ་ཀ” ཟུར་ཆག་པར་མཁས་པ་མང་པོས་གསུངས་ཤིང་སྐྱོགས་སྟོན་ལོ་ཙཱ་བའི་ལི་ཤིའི་གུར་ཁང་དུའང་དེ་ལྟར་གསུངས། 2 འདུལ་བ་མདོར། སེངྒེ་རྐང་པ་བརྒྱད་པ་དང་། ཉ་སྤུ་རྒྱས་པ་སོགས་སྲོག་ཆགས་གཉིས་འདུས་ཀྱི་གཟུགས་ཁྱད་པར་བས་མཚན་པས་རྒྱལ་མཚན་གསུངས་པ་བཞིན་ཡིན་པས། མཚན་མ་དེ་འདྲ་ཡོད་པ་རྒྱལ་མཚན་དང་། མེད་པ་བ་དན་དུ་འཇོག་ལ། གཉིས་ཀའང་དར་ལྕེ་གསུམ་པ་ཡོངས་གྲགས་ཀྱི་འཕན་ལྟ་བུ་ཞིག་ཡིན་ནོ། །ཞེས་མཁས་པ་རྣམས་གསུང་།
|