From Rangjung Yeshe Wiki - Dharma Dictionary
Jump to navigation
Jump to search
| བཀའ་བརྒྱུད་པ
|
| Tibetan Definition
|
བོད་ཀྱི་ཆོས་ལུགས་ཆེན་པོ་ལྔའི་ཡ་གྱལ་ཞིག་སྟེ། རྒྱལ་བ་རྡོ་རྗེ་འཆང་ནས་ཏེ་ལོ་ནཱ་རོའི་བར་དུ་བྱོན་པའི་བཀའ་བབས་ཀྱི་གདམས་པའི་ཆོས་བརྒྱུད་འཛིན་པ་རྣམས་སོ། །དེ་ལ་གཉིས། ༡ མཁས་གྲུབ་ཁྱུང་པོ་རྣལ་འབྱོར་ལས་བརྒྱུད་པ་ཤངས་པ་བཀའ་བརྒྱུད་དང་། ༢ མར་པ་ལོ་ཙཱ་བ་ཆོས་ཀྱི་བློ་གྲོས་དང་དྭགས་པོ་ལྷ་རྗེ་ནས་བརྒྱུད་པའི་དྭགས་པོ་བཀའ་བརྒྱུད་གཉིས། དྭགས་པོ་བཀའ་བརྒྱུད་ལ་ནང་གསེས་ཀྱི་ཕྱེ་ན། ༡ ཀརྨ་བཀའ་བརྒྱུད། ༢ ཕག་གྲུ་བཀའ་བརྒྱུད། ༣ ཚལ་པ་བཀའ་བརྒྱུད། ༤ འབྲི་གུང་བཀའ་བརྒྱུད། ༥ འབྲུག་པ་བཀའ་བརྒྱུད། ༦ སྟག་ལུང་བཀའ་བརྒྱུད། ༧ འབའ་རོམ་བཀའ་བརྒྱུད། ༨ གཡའ་བཟང་བཀའ་བརྒྱུད། ༩ ཁྲོ་ཕུའི་བཀའ་བརྒྱུད་རྣམས་སོ། །སྒྲ་བཤད་ནི། རྡོ་རྗེ་འཆང་ནས་ཏེ་ལོ་ནཱ་རོའི་བར་དུ་བྱོན་པའི་བཀའ་བབས་བཞིའི་གདམས་པ་རྣམས་རྗེ་མར་པ་དང་མཁས་གྲུབ་ཁྱུང་པོ་ལ་མངའ་བས། དེའི་ཆོས་བརྒྱུད་འཛིན་པ་རྣམས་ལ། བཀའ་བརྒྱུད་པ་ཞེས་བྱའོ། །
|