From Rangjung Yeshe Wiki - Dharma Dictionary
Jump to navigation
Jump to search
| བར་དོ་ལོངས་སྐུའི་ལམ་འཁྱེར
|
| Tibetan Definition
|
དག་པའི་རླུང་སེམས་ཤིན་ཏུ་ཕྲ་བའི་ཡེ་ཤེས་ཀྱི་སྐུར་ཤར་བ་དེ་ངའོ་སྙམ་དུ་ང་རྒྱལ་ལ་སློབ་པར་བྱེད་པ་ནི། བར་དོ་ལོངས་སྐུར་འཁྱེར་བའི་ལམ་འཁྱེར་རོ། །འདི་གཞིའི་བར་དོ་སྦྱོང་བྱེད་དང༌། འབྲས་བུའི་ལོངས་སྐུ་འགྲུབ་བྱེད་ཡིན། རྗེའི་གསང་འདུས་བསྐྱེད་རིམ་བློ་གསལ་བུང་བའི་རེ་སྐོང་ལས་ཀྱང༌། ཉི་མའི་དཀྱིལ་འཁོར་ནས། དང་པོའི་མགོན་པོའི་བར་རྣམས་བདེ་སྟོང་དབྱེར་མེད་ཀྱི་རྣལ་འགྱུར་དུ་བལྟ་བ་དང༌། དང་པོའི་མགོན་པོའི་ང་རྒྱལ་དང༌། གསལ་སྣང་ལ་བསླབ་པ་དང༌། དག་པའི་རླུང་སེམས་ཤིན་ཏུ་ཕྲ་བའི་ཡེ་ཤེས་ཀྱི་སྐུར་ཤར་བ་དེ་ངའོ་སྙམ་དུ་ང་རྒྱལ་ལ་སློབ་པར་བྱེད་པ་ནི། བར་དོ་ལོངས་སྐུར་འཁྱེར་བའི་ལམ་འཁྱེར་ཡིན་ལ། དེ་དང་སྐུ་རྫོགས་པ་ལས་བྱང་ཆུབ་པ་དང༌། དང་པོའི་མགོན་པོ་དང༌། བསྐྱེད་རིམ་པའི་ལོངས་སྐུ་རྣམས་དོན་གཅིག་མིང་གི་རྣམ་གྲངས་ཡིན་ནོ། །བསྐྱེད་རིམ་པའི་ལོངས་སྐུས་བར་དོ་སྦྱོང་བའི་ཚུལ་ནི། ཐ་མལ་པ་ལ་བར་དོ་རང་དགའ་བ་འབྱུང་བའི་དོད་ལ། བསྐྱེད་རིམ་པའི་རྣལ་འབྱོར་པ་ལ། མངོན་བྱང་ལྔ་ལས་དང་པོའི་མགོན་པོ་འབྱུང་བ་དེ་ཡིན་ནོ། །རྫོགས་རིམ་གྱིས་རྒྱུད་གང་སྨིན་པར་བྱེད་སྙམ་ན། དབེན་པ་གསུམ་གྱི་སྐབས་ཀྱི་སྒྱུ་ལུས་རྗེས་མཐུན་པ་དང༌། བར་དོ་དངོས་གནས་ལ་སྦྱོང་བར་བྱེད་པའི་རིམ་པ་གསུམ་པའི་སྒྱུ་ལུས་དང༌། ལྔ་པའི་སྐབས་ཀྱི་སྒྱུ་ལུས་རྣམས་ཀྱིས་རྒྱུད་སྨིན་པར་བྱེད་ཅིང༌། སྦྱངས་པའི་འབྲས་བུ་ལ་སངས་རྒྱས་ཀྱི་ལོངས་སྐུ་འགྲུབ་པ་ཡིན་ནོ། །ཞེས་གསུངས།
|