From Rangjung Yeshe Wiki - Dharma Dictionary
Jump to navigation
Jump to search
| བསོད་ནམས་ཅན
|
| Tibetan Definition
|
ཚེ་རིང་བ་དང་ནད་མེད་པ། སྟོབས་འབྱོར་དང་ལོངས་སྤྱོད་ཆེ་བ། ཅི་བསམ་ཡིད་བཞིན་དུ་འགྲུབ་པའི་གང་ཟག་ལྟ་བུ་ལ་ཟེར། རྒྱ་ཆེར་རོལ་པའི་མདོ་ལས། བསོད་ནམས་རྣམ་སྨིན་བདེ་སྟེར་སྡུག་བསྔལ་ཐམས་ཅད་སེལ། །བསོད་ནམས་ལྡན་པའི་མི་ཡི་བསམ་པ་རྣམས་ཀྱང་འགྲུབ། །བདུད་བཅོམ་ནས་ནི་བྱང་ཆུབ་མྱུར་དུ་རེག་པར་འགྱུར། །མྱ་ངན་འདས་པ་ཞི་བ་བསིལ་བའི་དངོས་པོ་ཐོབ། །དེ་བས་བསོད་ནམས་བྱ་བས་ཆོག་པར་སུ་ཞིག་འཛིན། །བདུད་རྩི་ཆོས་མཉན་པས་ཀྱང་ཆོག་པར་སུ་ཞིག་འཛིན། །སྐྱེ་བོ་མེད་པའི་ནགས་གནས་ཆོག་པར་སུ་ཞིག་འཛིན། །སེམས་ཅན་དོན་བྱ་བས་ཀྱང་ཆོག་པར་སུ་ཞིག་འཛིན། །བྱང་ཆུབ་སེམས་དཔས་ལག་པ་བརྐྱངས་ཏེ་ཚིག་བརྗོད་པ། །མཆོད་པ་བྱས་ཀྱི་རང་རང་དག་གི་ཞིང་དུ་དེངས། །ཞེས་གསུངས། མིང་གི་རྣམ་གྲངས་ནི། མངོན་བརྗོད་མཁས་པའི་རྣ་རྒྱན་ལས། དཔལ་ཡོན་ལྡན་པ་ལེགས་བྱས་པ། །ཆོས་ཅན་སྐལ་བ་ལྡན་པ་དང་། །བཟང་བྱས་པ་དང་ཁར་རྗེ་ཅན། །ལེགས་ལྡན་བསོད་ནམས་ལྡན་པའོ། །ཞེས་གསུངས་པ་ལྟར་རོ། །
|