From Rangjung Yeshe Wiki - Dharma Dictionary
Jump to navigation
Jump to search
| བསྐལ་པ་སྐར་མ་ལྟ་བུ
|
| Tibetan Definition
|
སྨོན་ལམ་དང་དགེ་བའི་རྩ་བའི་དབང་གིས་བར་བསྐལ་དང་བསྐལ་ཆེན་རྣམས་ལས་ཀྱང་དུས་ཡུན་ཤིན་ཏུ་རིང་བའི་བསྐལ་པ་ཞིག་སྟེ། དེའི་འགྲིབ་པའི་དུས་ཡུན་གཅིག་པུ་ལའང་བར་བསྐལ་སྟོང་ཕྲག་ཉི་ཤུ་ཡོད་པར། སློབ་དཔོན་ཨ་བྷྱ་ཀ་རས་གསུངས། བསྐལ་པ་སྐར་མ་ལྟ་བུ་ཞེས་བྱ་བ་འབྱུང་བའི་དུས་ནི། བསྐལ་བཟང་པོ་འདིའི་འོག་ཏུ་སངས་རྒྱས་མེད་པའི་བསྐལ་པ་དྲུག་ཅུ་འབྱུང་ངོ་། །དེའི་འོག་ཏུ་བསྐལ་པ་སྙན་པ་ཆེན་པོ་ཞེས་བྱ་བ་འབྱུང་སྟེ། བསྐལ་པ་དེ་ལ་སངས་རྒྱས་ཁྲི་འབྱུང་ངོ་། །དེའི་འོག་ཏུ་སངས་རྒྱས་མེད་པའི་བསྐལ་པ་བརྒྱད་ཁྲི་འབྱུང་ངོ་། །དེའི་འོག་ཏུ་བསྐལ་པ་སྐར་མ་ཞེས་བྱ་བ་འབྱུང་ཞིང་། དེ་ལ་སངས་རྒྱས་བརྒྱད་ཁྲི་འབྱུང་ངོ་། །དེ་ནས་མུན་བསྐལ་སུམ་བརྒྱ། དེ་ནས་སྒྲོན་བསྐལ་ཡོན་ཏན་བཀོད་པ་ལ་སངས་རྒྱས་བརྒྱད་ཁྲི་བཞི་སྟོང་འབྱུང་བར་མདོ་སྡེ་བསྐལ་བཟང་ལས་གསུངས་པ་ལྟར་རོ། །
|