From Rangjung Yeshe Wiki - Dharma Dictionary
Jump to navigation
Jump to search
| ཁྱབ་པའི་དམིགས་པ
|
| Tibetan Definition
|
རྣལ་འབྱོར་པའི་དམིགས་པ་བཞིའི་དང་པོའོ། །དེ་ལ་དབྱེ་ན། རྣམ་རྟོག་དང་བཅས་པའི་གཟུགས་བརྙན། རྣམ་རྟོག་མེད་པའི་གཟུགས་བརྙན། དངོས་པོའི་མཐའ། དགོས་པ་ཡོངས་སུ་གྲུབ་པའི་དམིགས་པ་སྟེ་བཞིའོ། །གཟུགས་བརྙན་ནི་གང་ལ་དམིགས་པའི་དམིགས་པ་རང་མཚན་པ་དེ་དངོས་མིན་པར་དེའི་རྣམ་པ་བློ་ལ་སྣང་བའོ། །༡ དེ་ལ་དམིགས་ནས་ལྷག་མཐོང་གིས་དཔྱོད་པ་བྱེད་པའི་ཚེ་དཔྱོད་བྱེད་ཀྱི་རྣམ་རྟོག་ཡོད་པས་རྣམ་རྟོག་དང་བཅས་པའི་གཟུགས་བརྙན་ནོ། །༢ ཡང་དེ་ལ་དམིགས་ནས་ཞི་གནས་ཀྱིས་མི་དཔྱོད་པར་སེམས་འཇོག་པའི་ཚེ་དཔྱོད་བྱེད་ཀྱི་རྟོག་པ་མེད་པས་རྣམ་རྟོག་མེད་པའི་གཟུགས་བརྙན་ཞེས་བྱའོ། །གཟུགས་བརྙན་དེ་དམིགས་པ་གང་གི་གཟུགས་བརྙན་ཡིན་སྙམ་ན། སྤྱོད་པ་རྣམ་སྦྱོང་གི་དམིགས་པ་ལྔ་དང་མཁས་པའི་དམིགས་པ་ལྔ་དང་ཉོན་མོངས་རྣམ་སྦྱོང་གི་དམིགས་པ་གཉིས་ཀྱི་གཟུགས་བརྙན་ནམ་རྣམ་པ་ཡིན་ནོ། །༢ དངོས་པོའི་མཐའ་ནི། ཕུང་པོ་ལྔར་འདུས་བྱས་ཐམས་ཅད་དང་། བདེན་པ་བཞིར་གྲོལ་བ་དོན་གཉེར་གྱི་བླང་དོར་གྱི་གཞིར་གྱུར་པའི་ཤེས་བྱ་ཐམས་ཅད་འདུས་ལུགས་བསམས་ནས། དེའི་རྗེས་སུ་དེར་གྲངས་ངེས་པར་ཐག་བཅད་ནས་དེ་ལ་སེམས་འཇོག་པ་ལྟ་བུའོ། །༤ དགོས་པ་ཡོངས་སུ་གྲུབ་པ་ནི། དམིགས་པ་དེ་གོམས་པས་འདོད་བྱའི་དགོས་པའམ་འབྲས་བུ་ཤིན་སྦྱངས་སྐྱེ་བ་སོགས་ཡོངས་སུ་གྲུབ་པའོ། །སྒྲ་བཤད་ནི། ཁྱབ་པའི་དམིགས་པ་བཞི་པོ་འདི་ཡང་། སྤྱད་པ་རྣམ་སྦྱོང་དང་། མཁས་པ་དང་། ཉོན་མོངས་རྣམ་སྦྱོང་གི་དམིགས་པ་ལས་ལོགས་ན་མེད་ཅིང་དེ་ཐམས་ཅད་ལ་ཁྱབ་པས་ན་ཁྱབ་པའི་དམིགས་པ་ཞེས་བྱའོ། །
|