From Rangjung Yeshe Wiki - Dharma Dictionary
Jump to navigation
Jump to search
| བསྙེན་པར་རྫོགས་པ
|
| Tibetan Definition
|
(འདུལ་བ) 1 (བྱ་ཚིག) དགེ་སློང་སྡོམ་པ་བླངས་པའམ་དགེ་སློང་བསྒྲུབས་པ། འདི་ལ་རྫོགས་པར་བསྙེན་པ་ཞེས་བསྒྱུར་བའང་ཡོད། འདི་ནི་ཤིན་ཏུ་གོ་བདེ་བར་འདུག་གོ། འདུལ་བ་གཞིི་རྒྱ་ཆེར་འགྲེལ་པ་ལས། རྫོགས་པར་བསྙེན་པ་ཞེས་བྱ་བ་ནི་སྡིག་པ་ཐམས་ཅད་སྤོང་བའི་མཚན་ཉིད་དགེ་སློང་གི་དངོས་པོ་ལ་རྣམ་པར་བཞག་པར་མཛད་དེ། དེ་ལ་རྫོགས་པ་ཞེས་བྱ་བ་ནི་དོན་ཐམས་ཅད་ཡང་དག་པར་གྲུབ་པའི་དཔལ་ཏེ། མྱ་ངན་ལས་འདས་པ་ཞེས་བྱ་བའི་ཐ་ཚིག་གོ། དེ་སྐད་དུ་ཡང་། དྲི་མ་ཐམས་ཅད་བཅོམ་བྱས་ཤིང་། །མྱ་ངན་འདས་པ་རྫོགས་པ་ཐོབ། །སྡུག་བསྔལ་ཐ་མར་བྱེད་པ་སྟེ། །ཐམས་ཅད་རྫོགས་པར་གྱུར་པ་ཡིན། །ཞེས་ཇི་སྐད་གསུངས་པ་ཡིན་ནོ། །དེར་བསྙེན་པ་ནི་དེ་དང་ཉེ་བའི་སྒྲ་ཡིན་ཏེ། རྫོགས་པ་དང་། ཉེ་བ་ནི་རྫོགས་པར་བསྙེན་པ་སྟེ། དགེ་སློང་གི་སྡོམ་པ་ཞེས་བྱ་བའི་ཐ་ཚིག་གོ། ཞེས་གསུངས་པ་ལྟར་རོ། །2 (མིང་ཚིག) དགེ་སློང་གི་སྡོམ་པའི་མིང་། 3 (མིང་ཚིག) དགེ་སློང་ཕ་མ། འདུལ་ཊཱིཀ་རིན་ཕྲེང་ལྟར་རོ། །4 (མིང་ཚིག) སྒྲ་ཡངས་པའི་དབང་དུ་བྱས་ན། བསྙེན་རྫོགས་ཀྱི་སྒྲ་དགེ་བསྙེན་དང་དགེ་ཚུལ་ལའང་འཇུག་པར། འདུལ་ཊཱིཀ་རིན་ཆེན་ཕྲེང་བ་༡༥ན༣ལས་མདོའི་ཁུངས་དང་བཅས་ཏེ་གསུངས་སོ། །
|