From Rangjung Yeshe Wiki - Dharma Dictionary
Jump to navigation
Jump to search
| བསྟན་མ་བཅུ་གཉིས
|
| Tibetan Definition
|
༡ རྡོ་རྗེ་ཀུན་གྲགས་མ་སྔོན་མོ། (བྱང་གི་གནམ་མཚོ་ཕྱུག་མོ་ན་གནས། གཡས་ཕུར་པ། གཡུ་འབྲུག་ལ་ཆིབས་པ) ༢ རྡོ་རྗེ་གཡའ་མ་སྐྱོང་སྔོན་མོ། (ལྷ་འབོད་ལྷ་རི་ན་གནས། གཡས་ཟངས་ཀྱི་ཕུར་པ། དྲེལ་རྟ་རྐྱང་སེར་ལ་ཆིབས་པ) ༣ རྡོ་རྗེ་ཀུན་བཟང་དཀར་མོ། (ལ་ཕྱི་གངས་ཀྱི་རྭ་བ་ན་གནས། གཡས་རྡོ་རྗེ་རྩེ་ལྔ་པ། སེང་གེ་ལ་ཆིབས་པ) ༤ རྡོ་རྗེ་གཙོ་མོ་སྔོན་མོ། (ཡར་འབྲོག་གངས་ཀྱི་མཚོ་ན་གནས། གཡས་ལྕགས་ཕུར། གསེར་ཤ་ཡུ་མོ་ལ་ཆིབས་པ) འདི་བཞི་ལ་བདུད་མོ་བཞི་ཟེར། ༥ རྡོ་རྗེ་སྤྱན་གཅིག་མ་དཀར་མོ། (ལྷ་ཕུ་གངས་ཀྱི་རི་ལ་གནས། གཡས་ནད་རྐྱལ། དུང་ཤ་དཀར་མོ་ལ་ཆིབས་པ) ༦ ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ་སེར་མོ། (གཙང་དབུས་རུ་མཚམས་ཇོ་མོ་ཁ་རག་ན་གནས། གཡས་མདའ། ཁྱུང་ལ་ཆིབས་པ) ༧ རྡོ་རྗེ་ཀླུ་མོ་དཀར་མོ། (བྱང་སྟོད་གསེར་ཆེན་དྭངས་དམར་མཚོ་ན་གནས། གཡས་དབྱུག་ཐོ། ཕག་ལ་ཆིབས་པ) ༨ རྡོ་རྗེ་དྲག་མོ་རྒྱལ་ལྗང་ཁུ། (རྨ་རི་རབ་འབྱམས་སམ། རྨ་ཆེན་སྤོམ་ར་ན་གནས། གཡས་ཕུར་པ། ཤ་བའམ་འབྲོང་ལ་ཆིབས་པ) འདི་བཞི་ལ་གནོད་སྦྱིན་མོ་བཞི་ཟེར། ༩ ཀོང་བཙུན་དེ་མོ་དཀར་མོ། (ཀོང་ཡུལ་བྲེ་སྣ་རི་གདོང་ན་གནས། གཡས་བུམ་པ། ཀོང་རྟ་དཀར་པོ་ལ་ཆིབས་པ) ༡༠ བཙན་ལ་ལོ་རོལ་བའི་རྡོ་རྗེ་སྨན་གཅིག་མ་དམར་མོ། (གཉལ་མོ་རོའི་གནས་ན་གནས། གཡས་ཕུར་པ། དྲེལ་ནག་ཁ་སེར་ལ་ཆིབས་པ) ༡༡ སྨན་བཙུན་རྡོ་རྗེ་གཡར་མོ་སི་ལ་དམར་ནག (གཙང་སྟོད་ཇོ་མོ་ནག་རྒྱལ་ན་གནས། གཡས་ཕུར་པ། ཤ་བ་ཡུ་མོ་ལ་ཆིབས་པ) ༡༢ རྡོ་རྗེ་གཡུ་སྒྲོན་མ་སྔོན་མོ། (ཤ་འུག་གོའམ་མདོ་ཁམས་གཡུ་རིའི་གནས་མཆོག་ན་གནས། གཡས་ཅང་ཏེའུ། གཡུ་ཡི་སེང་གེ་ལ་ཆིབས་པའོ) འདི་བཞི་ལ་སྨན་མོ་བཞི་ཟེར། ཀློང་རྡོལ་བླ་མས་བསྟན་མ་བཅུ་གཉིས་ལ་རིགས་མི་འདྲ་བ་གཉིས་ཡོད་པར་བཤད།
|