From Rangjung Yeshe Wiki - Dharma Dictionary
Jump to navigation
Jump to search
| བསྡུས་གྲྭ
|
| Tibetan Definition
|
ཚད་མ་རྣམ་འགྲེལ་གྱི་དོན་བློ་གསར་བ་རྣམས་ལ་གོ་བདེ་བའི་ཕྱིར་སྙིང་པོར་བསྡུས་ཏེ་སྟོན་པའི་རིགས་ལམ་གྱི་གཞུང༌། སྒྲ་བཤད་ནི། ཚད་མ་རྣམ་འགྲེལ་གྱི་དོན་རྣམས་ཉུང་ངུར་བསྡུས་པས་ན་བསྡུས། ཁ་དོག་དཀར་དམར། གཞི་གྲུབ་སོགས་སྡེ་ཚན་དུ་བསྡེབས་ནས་བཀོད་པས་ན་གྲྭ་ཞེས་བྱའོ། །ཡང་ན་ཚད་མ་རྣམ་འགྲེལ་གྱི་དོན་རྣམས་སྙིང་པོར་བསྡུས་པས་ན་བསྡུས། བསླབ་པར་བྱ་བའི་གཞུང་གི་ཚོགས་ཡིན་པས་ན་གྲྭ་ཞེས་བརྗོད། གྲྭ་ཞེས་པ་སྤྱིར་ཟུར་ལ་འཇུག་ཀྱང༌། དེ་ཚོགས་ལ་འཇུག་པ་ནི་བློན་པོའི་ཚོགས་ལ་བླ་ཡི་གྲྭ་ཞེས་པ་བཞིན་ནོ། །སྡེ་ཚན་ནམ། ཆ་ཤས། དུམ་བུ་བཅས་ལ་འཇུག་པ་ནི། ཆོས་གོས་དང་ཤམ་ཐབས་ཀྱི་གྲྭ་ཞེས་པ་ལྟ་བུའོ། །བསྡུས་གྲྭའི་རིགས་ལམ་གྱི་སྲོལ་འདི་གསང་ཕུ་ལ་སོགས་པའི་ཆོས་གྲྭ་ཆེན་པོར་སློབ་དཔོན་ཕྱྭ་པ་ཆོས་སེང་ཀྱིས་སྲོལ་བཏོད་པར་ཀློང་རྡོལ་བླ་མ་སོགས་མཁས་པ་མང་པོ་གསུང༌།
|