From Rangjung Yeshe Wiki - Dharma Dictionary
Jump to navigation
Jump to search
| བསླབ་བྱའི་ཉེས་བྱས
|
| Tibetan Definition
|
(འདུལ་བ) རང་རང་གི་ལྟུང་བ་རྣམ་གཞག་གི་ཀུན་སློང་གིས་ཀུན་ནས་མི་བསླངས་པའི་ཉེས་ལྟུང་ལ། བསླབ་བྱའི་ཉེས་བྱས་ཟེར། དཔེར་ན་རེག་པའི་ལྷག་མའི་ཡན་ལག་མ་ཚང་བ་སྟེ། རེག་པའི་བདེ་བ་ཉམས་སུ་མྱོང་བར་བྱ་བའི་འདུན་པ་ཀུན་ཏུ་འདོད་ཆགས་དང་ལྡན་པ་མེད་པར། རེག་འདོད་ཙམ་པོས་བུད་མེད་ལ་རེག་ན་ནི། ལྟུང་བ་རྣམ་གཞག་གི་སྐབས་གསུམ་ལས་གཞན་བསླབ་བྱའི་ཉེས་བྱས་སུ་འགྱུར་བ་ལྟ་བུའོ། །གཞན་ཡང་། མེ་རེག་གི་ཡན་ལག་མ་ཚང་སྟེ། སེང་གེ་ལ་རེག་ན་བསླབ་བྱའི་ཉེས་བྱས་སུ་འགྱུར་བ་ལྟ་བུའོ། །མཚོ་ཊཱིཀ་ལས། བསླབ་བྱ་ལས་འདས་པའི་ཉེས་བྱས་ཀྱི་མཚན་ཉིད་ནི། ཉེས་ལྟུང་གང་ཞིག་ལྟུང་བ་རྣམ་གཞག་གི་ཀུན་སློང་གིས་ཀུན་ནས་མ་བསླངས་པའོ། །ཞེས་གསུངས་པ་ལྟར་རོ། །སྒྲ་བཤད་ནི། ལྟུང་བ་རྣམ་གཞག་གིས་མི་གོས་པར་བྱ་བའི་དོན་དུ་བསླབ་པར་བྱ་བ་ཡིན་པས་ན་དེ་ཞེས་བྱ་སྟེ། དེ་ལྟར་བམ་པོ་ལྔ་བཅུ་པ་ལས་བཤད་དོ། །ཞེས་མཚོ་ཊཱིཀ་གསུང་། ན་སྨད་ཀྱི་ཉེས་བྱས་དང། ཆེས་ན་སྨད་ཀྱི་ཉེས་བྱས་དང།་བསླབ་བྱའི་ཉེས་བྱས་གསུམ་ནི་ཉེས་བྱས་ཙམ་དུ་འདྲ་ཡང། དང་པོ་གཉིས་ནི་ལྟུང་བ་རྣམ་གཞག་གི་ཉེས་བྱས་ཡིན་ལ། ཐ་མ་ནི་ལྟུང་བ་རྣམ་གཞག་གི་ཉེས་བྱས་མིན་ཏེ། རང་རང་གི་ལྟུང་བ་རྣམ་གཞག་གིས་ཀུན་ནས་མ་བསླངས་པའི་ཕྱིར་རོ། །ཞེས་གསུངས་སོ། །
|